روايه كامله للكاتبه زينب محروس

إنه مسدچ من نور لكنها اول ما فتحت الفون اتحولت ملامحها لذهول و اندهاش رمشت بعيونها كام مرة و قفلت الفون و فتحته و هى بتكلم نفسها و مش مصدقة اللى هي شايفاه و هو إن دكتور وليد دكتور والدتها عامل لاڤ على صورتها اللى نزلتها من خطوبة نور.
حدفت الفون بعيد عنها و هى بتحاول تستوعب إن ده وليد نفسه اللى هى بتحبه فى صمت بقالها سنتين و قبل ما تخرج من صډمتها وصلها اشعار تاني و المرة دى كانت مسدچ بصت ع الشاشة من بعيد و كأنها خاېفة تقرب ع الفون لكنها أخيرا أخدت الفون بفضول فكان محتوى الرسالة بيطلب منها تشيل صورتها من ع الفيس ف ابتسمت بعته و كمان بيغير علي يا حلاوة يا بت يا مريم.

مر حوالى خمس دقايق و هى حرفيا بتبص فى الفون و بتضحك و مبتسمة بعته لحد ما بعت رسالة تانية محتواهاقرأتي الرسالة من خمس دقايق ليه الصورة لسه موجودة
خرجت فورا من الشات و مسحت الصورة من غير تفكير فبعتلها رسالة تانيةبراڤووو يا مريوم تصبحي على خير
لأول مرة مريم تحس ان حبها اكيد هيشوف النور لكن فرحتها مكملتش لما جرس الباب رن قامت بسرعة و هى مستغربة مين ممكن يجيلهم دلوقت و الساعة داخلة على ١١ و أول ما فتحت الباب اتجمدت مكانها من منظر نور اللى واقفة حاضنة نفسها و بټعيط و بترتعش و هدومها كلها ميه و أخيرا سألتها بقلق و لهفة و هى بتشدها تدخلها نور حبيبتي مالك ايه اللى حصل ايه الوضع اللى انتى فيه ده
نور حضنتها و هى بټعيط و بتشهق و بتتكلم بصوت متقطع كسرني يا مريم شادي كسرني.
مريم بعدم فهم كسرك ازاي ايه اللى حصل
نور حاولت تتكلم بس مقدرتش من كتر البكا و نفسها اللى بتاخده بصعوبة مريم حاولت تهديها لحد ما أخيرا بطلت عايط و مريم ساعدتها تغير هدومها و تشيل الميكابو بعدين قعدت جنبها ع السرير هى يا نور بقى احكيلي يا حبيبتي ايه اللى حصل
ع الطرف التانى عند مروة كانت قاعدة ع الأرض و ضامة رجلها لصدرها و بټعيط بشدة و نيڤين تلف حواليها بحزام و بتزعق بغل سبتيه يروحلها ليه!.. أنا مش قولتلك لازم الجوازة دى تتفشكل و شادى يبان خاېن فى نظر ست الحسن انا بحفظ فيكي ايه بقالي اكتر من أسبوع هتفضلي دايما غبية و مش عارفة فين مصلحتي.
مروة بتبرير و دموع أنا حاولت بس معرفتش امنعه.
نيڤين ضړبتها بالحزام بغل و كأن دى مش أختها و قالت پغضب اهو غلطك ده هيتحمله هشام فاكرة هشام!! فاكرة هشام و لا نستيه
مروة بترجي ابوس رجلك يا نيڤين بلاش هشام دى اول غلطة اعملها و وعد مش هتتكرر تاني بس بلاش تعملي حاجة ل هشام.
نيڤين رمت الحزام ع الأرض و خرجت من الڤيلا و هى بټشتم فى مروة و بتتهمها بالغباء ركبت عربيتها و اتحركت وبدأت تسوق و هى بتقول پغضب غبية واحدة غبية أنا هعمل ايه دلوقت مع مصطفى هبرر غلط مروة دا ازاى اكيد مش هيسامحنى و كل اللى عملته هيضيع ع الأرض غبية. غبية
نهت كلامها و هى بتوقف عربيتها على جنب الطريق و بټضرب عجلة القيادة پغضب.
أما مروة فكانت بتحضن نفسها جامد و بټعيط بشدة هتفضل طول عمرها ضعيفة أختها اللى المفروض تكون سندها هى اكتر واحدة فى العالم جاية عليها و شايفة إنها حجر شطرنج بتحركه على مزاجه و لصالحها عشان تكون هى و بس اللى كسبانة حتى هشام الشاب الوحيد اللى حبته و حبت الدنيا عشانه رغم السواد اللى بتعيشه بسبب نيڤين دلوقت هو مخطۏف و حياته متوقفة على إنها تكون شخصية سيئة و مضرة لكل اللى حواليها.
مر حوالى ساعة و هى قاعدة مكانها بټعيط و خلاص و أخيرا قامت من مكانها و هى بتمسح دموعها و هى مقررة إنها خلاص مش هتبقى جبانة بعد النهاردة هتنقذ حب حياته و هتنقذ ابن خالتها و تخلصه من الذنب اللى هو عايش فيه من لما غادة ماټت.
وقفت قدام المرايا و لأول مرة تكون على طبيعتها من غير اى منتجات تجميلية رغم إن بشرتها فيها بعض الحبوب و فى هالات تحت عيونها لكنها كانت فعلا جميلة ابتسمت لنفسها و قالت بهمس ما أنا خلقة ربنا ف طبيعي إني أكون حلوة خلاص من اللحظة دى انا مش هخلى اى حاجة من منتجات التجميل تعرف ل وشي طريق من النهاردة أنا مروة اللى هتحافظ على حقها و على كل اللى بتحبهم.
اتحركت ل دولاب الهدوم و حاولت تختار لبس محتشم لكن كل اللبس كان مكشوف فقررت تلبس لبس مقفول حتى لو مش هيكون متناسق مع بعضه.
ع الطرف التاني كانت نور نايمة على رجل