قصه كامله بقلم عبير سليم

يقفون امامها رايحه فين ياقطه تعالى معانا واحنا نوصلك
هدير تخاف وتجرى سريعا ولكن اثنان منهم ينزلان من السيارة ويحاولان دفعها داخل السيارة بالقوة
كانت تصرخ ولكن من سيسمعها واصوات الموسيقى والغناء تعلو على اى صوت
وضعوها بالقوه فى السيارة وانطلقوا سريعا
ظلت هدير تحاول ان تصرخ حتى تجد من تستنجد به
واستطاعت بالفعل ان تصرخ باعلى صوتها  الحقونى الحقونى

كان الاخر يسير بسيارته بالقرب من هذه السيارة فعندما سمع إلى صوت احد يطلب النجده وقف امام تلك السيارة فنزل منها الشاب الذى يقود السيارة  ايه يااخينا عاوز حاجه واخرج من جيبه مطوة
فاخرج هذا الشاب مسډسا واطلق النيران فى الهواء فخاف الشباب والقوا بهدير خارج السياره وهربوا سريعا
الشاب  طمنينى انتى كويسه
هدير  ايوة الحمد لله انا متشكرة اوى لحضرتك
الشاب  مش انتى اللى كنتى فى فرح اسر
هدير  ايوة وخرجت ادور على تاكسي وفجأة لقيت دول ادامى وركبونى العربيه بالعافيه
الشاب طب اتفضلي معايا اوصلك
هدير  ربنا يخليك شكرا انا حستنى تاكسي
الشاب  ياللا ياانسه الله يخليكى انا المرة دى ممكن معرفش الحقك
تركب هدير مع هذا الشاب السيارة دون ان تعرف هويته
الشاب وانتى بقى تبع العريس واللا العروسه
هدير  حياة العروسه صاحبتى زميلتى فى الكليه
الشاب كلية ايه بقى
هدير  كلية الطب
الشاب  الطب مرة واحده ده انتى شاطرة بقى على كده
هدير  الحمد لله بص حضرتك ممكن توقفنى فى اى مكان هنا وانا حنزل اكمل بتاكسي
الشاب فى ايه مالك مټخافيش مش حخطفك مش حلوة اوى انتى يعنى عشان اخطفك دول بس عشان كانوا مساطيل مش شايفين ادامهم وعاوزين اى واحده وخلاص
شعرت هدير بالاحراج الشديد من كلامه فنزلت الدموع من عينها بدون ان تشعر
الشاب  ايه ده انتى عيطتى انا اسف والله مقصدش
هدير  واللا تقصد وايه المشكله بس من فضلك نزلنى هنا الله يخليك
قرر الشاب ان يرضخ لطلبها وركن بالسيارة جانبا
هدير والدموع تملاء عينها  شكرا
نزلت هدير ولكنها لم تركب تاكسي فلقد خاڤت ان تركب تاكسي وحدها فى هذا الوقت وجدت احد الميكروباصات يمر بجانبها فاستوقفته وركبت به
بكت نعم بكت بشده دون ان تشعر فلقد احست وشعرت بالاهانه من هذا الشخص الذى لاتعرفه
ولكنها مسحت دموعها وظلت تستغفر الله حتى وصلت الى اول الشارع
نزلت هدير وصعدت سريعا الى البيت الذى لم يعد فيه احد غيرها حيث ان اخاها سافر لانهاء عمله واخذ كل مستحقاته والعوده للمكوث مع اخته حيث انه لن ينفع ان تجلس هدير بمفردها بعد ۏفاة امهم
دخلتهدير الشقه وغيرت ملابسها واستسلمت للنوم حتى تهرب من احزانها
فى القاعه يرقص الجميع كان سعيد يرقص مع حياة واسر وفارس يرقص مع اخته وزوجها
الاصحاب والاهل والاصدقاء الكل يلتف حول العرسان للرقص معهم
كانت وفاء تنظر لابنها وتتمنى من الله ان ينسيه مافيه من احزان وان يستمتع بتلك اللحظات الجميلة
فرحه شديده تملاء قلب الجميع كان الكل يشعر بالفرحه
هنا  محمود ماتيحى نطلع نرقص
محمود  اتلمى ياهنا انتى عاوزة تتعبي واللا ايه
هنا كان نفسي ارقص معاهم
محمود  ياحبيتى بصي انا شايف اتنين اهم قاعدين مش بيرقصوا اقعدى زيهم انا خاېف عليكى ياقلب محمود
شيرين عاجبك شكلنا كده واحنا قاعدين شبه عواجيز الفرح
ملك  تعبانه ياشيرين مش قادرة
شيرين بت ياملك يخرببيت سنينك اوعى تكونى نويتى
ملك  مش عارفه والله ياشيرين بس حسه انى تعبانه
شيرين لا والنبي مش وقتك خالص حاولى كده تمسكى نفسك نتبوطيش الليله ابوس ايدك
ملك  حاضر ححاول والله
بينما كان فارس يرقص مع اخته واخيه وهو فى قمة سعادته
تذهب اليه شيرين وهى تهمس فى اذنه  فارس بشويش كده ومن غير حد مايحس
فارس بخضه  فى ايه ياشيرين
شيرين ملك تعبانه اوى وخاېفه تكون بتولد
فارس  بتولد دلوقتى لا مش ممكن انتى اكيد بتهزرى
شيرين فارس هى دى حاجه فيها هزار بردو
يتجه فارس اليها سريعا حبيبتى مالك انتى تعبانه
ملك  تعبانه اوى يافارس مش قادرة خلاص
فارس انتى مش كنتى لسه كويسه
ملك  نش عارفه يافارس تعبت مرة واحده
فارس وهو يضع يده على راسه وينظر للجميع وهم فرحين والكل يشارك العرسان ولا ينتبه لهم احد فيريد ان ينسحب بها بهدوء
محمود  استاذ فارس تحب اقدملك اى خدمه انا شايف المدام تعبانه هى حالة ولاده
فارس  ربنا يخليك يااستاذ محمود مش عاوز اتعبك
محمود  تتعبنى ايه بس احنا خلاص بقينا اهل
بص احنا حنروح المستشفى بهدوء عشان الفرح يفضل مستمر
هنا ياهنا تعالى ياحبيبتى اسندى مراة فارس مع المدام وانا حروح اجهز العربيه بسرعه
حدث كل هذا فى خلال ثوانى دون ان يشعر احد فالكل غير منتبه سوى بحياة واسر ونور ومؤمن
يتجهون الى السيارة وتجلس ملك فى الخلف وهى تصرخ بشده من الالم بينما يجلس بجوارها شيرين وهنا
شيرين اجمدى ياحبيلتى قربنا نوصل ان شاء الله
ملك مش قادرة ياشيرين اه تعبانه
هنا  خلاص باحبيبتى هانت ان شاء الله
يصلون الى المستشفى وتجلس ملك على الكرسي ويدخلونها سريعا الى غرفة العمليات حيث قد كان فارس اتصل على الدكتور واخبره بما حدث واستعد الجميع فى المستشفى لذلك
فارس وهو يمسح على وجهه ويفك ربطة الكرافت  يارب يارب قومها بالسلامه يارب
شيرين حتقوم بالف سلامه أن شاء الله
فارس  يارب ياشيرين يارب
شيرين ولما انت بټموت فيها لازمتها ايه عمايلك السوده اللى بتعملها دى
فارس  توبت الى الله والله ده انا النهارده كل ماتيجى عينى على واحده استغفر ربنا وابعد عينى بسرعه
شيرين شاطر يافارس
يمر الوقت بالبطئ دون اى اخبار
فارس  هو فى ايه مفيش اى حد بيطلع يطمنا ليه
ثم يضع اذنه على باب غرفة العمليات  انا مش سامع صوت لا سامعها بتصوت زى مابشوف فى الأفلام ولاسامع صوت عيل پيصرخ هو فى ايه بالظبط
محمود  اهدى بس ممكن تكون بتولد قيصريه
فارس يعنى حيفتحولها بطنها يادى النيله
شيرين وانت مزعل نفسك ليه هو انت اللى بطنك حتتفتح واللا هى
فارس مش مراتى وخاېف عليها
فجاة تفتح احد الممرضات الباب فيجرى عليها فارس
فارس  طمنينى الله يخليكى
الممرضه الف مبروك جالكم ولد زى القمر
فارس مراتى مراتى عامله ايه
الممرضه كويسه الحمد لله بس هى دلوقتى حتدخل الافاقه
وبعدين ندخلها اوضتها
شيرين فين البيبي لو سمحتى
الممرضه البيبي بيدوله دش جوة وحيلبسوه
شيرين يلبسوه يالهوى ده احنا مجبناش هدوم معانا
الممرضه متقلقيش يامدام احنا هنا عاملين حساب المواقف الحرجه دى والمستشفى بتوفر ملابس للبيبيهات
اتفضلوا الاوضه جوه والبيبي حيجيلكم حالا
تدخل شيرين وهنا الغرفه بينما يظل محمود وفارس خارجها
محمود الف حمدلله على سلامة المدام ويتربى في عزك ان شاء الله
فارس الله يبارك فيك يا محمود انا اسف على تعبكم معانا
محمود عيب متقلش كده احنا اهل
يجد فارس اتصالا من والده
فارس  ايوة يابابا
فهمى وهو يتكلم خارج القاعه حتى يبتعد عن الأصوات العاليه  انتوا فين يافارس انا مش لقيكم لاانت ولا مراتك ومازن قالب المكان على شيرين
فارس احنا في المستشفى يابابا
فهمى مستشفى مستشفى ايه وليه
فارس  ملك ولدت يابابا
فهمى  ملك ولدت بجد يافارس ملك ولدت بجد
فارس ايوة والله وانا معايا شيرين ومحمود اخو شهد ومراته
فهمى كده بردو من غير ماتقولنا يابنى عشان نكون جمبك فى موقف زى ده ده احنا بقالنا سنين مستنيين اللحظه دى
فارس خفت الفرح يبوظ يابابا قلت نيجى من غير ماحد يحس 
فهمى طب طمنى يابنى على ملك
فهمى