قصه كامله

وسكت !!
_ هو مين اللي بيحبك !
_ عمر !!
_ هو قالك !
_ لا بس كان بيحاول يقول كدا !!
_ طيب كويس جدا والله !!
_ لا بس انا هقفل اقدامه السكه 
_ لي بس يا نكديه !
_ لو بيحبني بجد هيجي يتقدملي مش هيعترفلي من غير رابط شرعي بنا !!
_ عندك حق فعلا !
كنت مقتنعه بالفكره دي ماهو اكيد انا مش هخلي قلبي للعرض لاي مشتري وخلاص انا قلبي غالي واكيد مش ههلكه بالفرجه لناس معرفش هي تستهاله ولا لأ انا هفضل محافظه عليه وهفتحه بس للانسان اللي يكون شايف ان قمته عاليه ومش ممكن يهينه بكلمه في الحړام ...
ايوه انا مقتنعه ان كلمه بحبك في الحړام دي اهانه لقلبي مش محبه خالص وكل قصص الحب اللي حواليا ان كان نهايتها نجاح او فشل مش بتشد نظري انا اللي بيلفت نظري 
هي كلمه اسف من راجل قالها لمراته لما زعلها من غير ما يقصد وطيب خاطره حتى لو هي غلطانه ومن كلمه حلوة من واحد لمراته بعد غدوة عاملتها بحب بنظرة امتنان من واحده لجوزها لانه ساب شغله واقعد معاها في البيت عشان لسه تعبانه من الولاده الحب انا بشوفه في عين واحده عاشت مع جوزها عمر طويل شافت معاه الحزن والفرح الحلو والمر بشوفه في عنيها وهي خاېفه عليه يبرد في الشتا وتعمله حاجه سخنه جنب جرنال الصبح ولا انها تعمله كوبايه القهوه اللي بيحبها على الافطار عشان تسعده وبشوف الحب دا من واحده ترجع من شغلها تعبانه وتتصل على جوزها تقوله تحب تأكل اي على الغدا ! ب رغم تعبها إلا انها عايزه تسعده بأكلها حلوة 
مش بيلفت نظري الجوبات والخروجات والحب على الشات ولا الكلام المغلف بحلاوة البدايات هاتلي حب يدوم بعد سنين ورغم كل المشاكل دام وهتلاقيني بنبهر لوحدي ...
_ الو.
_رحمة
_ ايوه يا عمر ..
_ مال صوتك..!
_ مال صوتي ما انا كويسه اهو
!!
_ انا حاسس انك مضايقه انا سامعك لو حابه تحكيلي !
_ احكيلك لي وبعدين اي بنا وبين بعض عشان يديك الحق تسألني انت مجرد طالب عندي وبس ...
_ عندك حق انا اسف على السؤال تصبحي على خير !!
اي دا انا بوظت الدنيا ولا اي لا احسن اني عملت كدا بس ده زعل يقطعني يارتني ما زعلته لا بس دا الافضل اكيد مش هقعد اكلم معاه وافتح معاه مواضيع وانا اصلا محتاجه افتح معاها ومواضيع واقوله اني زعلانه وعندي مشاكل واقعد اكلمه طول الليل اكيد لا اكيد لا مينفعش اعمل كدا عيب اصلا ايوة بس انا ندمانه ع كلامي معه لي لوقتي مش انا عملت الصح زعلانه لي !
_ نور ..
_ هببتي اي !
_ عمر كلمني وقولتله انت عايزاني افضفضلك بتاع اي وانت بنسابلي اي عشان افضفضلك هو كدا في احتمال يجي يتقدملي ولا كدا انا بتفائل 
_ يعني بعد ما قولتيله كدا مستنايه يجي يا فوزيه هيجي ازاي يا فوزيه بعد ما قولتيله كدا !
_ بجد طب اكلمه اعتذرله طيب !!
_ لا يحبيتي متعمليش كدا كويس انك قفلتي معاه في المكالمه يعني هو لو شخص كويس وبيحبك فعلا مش هيفرق معاه انت كلمتيه ازاي لانه هيحطلك مئه عذر لكن لو واحد عايز يتسلى فالحمدلله انك قفلتي في وشه السكه
_ عندك حق وهو اصلا لو كان خير لبقى !!
_ لا يحبيبني الجمله دي بتتقال لو فسختي الخطوبه يا خرابه ...
_ طيب لو كان خيرا لاتى...
_ هيأتي يا فوزيه متخفيش روحي بس اقرائي الورد بتاعك وصلي القيام وهو هيجي !!
_ يارب ..
_ يخدك ويريحني !
_ يخدني لبيت عمر ان شاءالله !
_ مش بتقولي الست ملهاش غير شغلها ومستقبلها في الشغل ..!
_ الست ملهاش غير بيت جوزها وانا مليش غير بيت عمر !
_ روحي نامي. يا بتاعة عمر يا فاشله !
انا كنت دائما بقول ان الست ملهاش غير شهادتها ومستقبلها وشغلها وكنت بشتغل وبجتهد في حياتي عشان اوصل لكدا لكن عمر غيرلي كل الموازين غير تفكيري وحياتي كلها ...
عمر بدا معايا كورس تاني عشان يحترف الخط العربي مش عارفه ازاي واحد متحسنش