كنت
قدامي ي بأف عشان معلقكش
بعدها بصلي وهو بيقفل الباب وغمزلي
_ وانتي ي ضي عيوني خلصي بسرعه عشان منتأخرش ع العروسه...
لو قولتلكو انو رخم اكيد هتصدقو ف اي بيقولي ي ضي عيوني وف اي بيقولي هنتاخر ع العروسه اال هي ساعتين وهتبقي خطيبته رسمي
خرجت بعد وقت مش كتير كنت لابسه فستان اسود بيلمع طويل سواريه وطرحه حمرا وكنت جامده جامده مفيهاش كلام
روحت ع يوسف الل هو المفروض جوزي وكلبشت ف ايده لقيته وقف متحركش وحسيت جسمه كله ثلج وبيبص ناحية ايوب وبيبلع ريقه براحه منااا مراتك ي ابو احمد هو ف ايي يرااجل..
لقيته جه ناحيتي وشد ايدي جامد حسيت كتفي اتخلع بصتله پصدمه يعني هو ايي الل انت بتعمله دا
اخيرا اتكلم ايوب وقال
_ تعالي معايا ف عربيتي عشان اميره اختي عايزه تشوفك وكدا
وهتفرق يعني العربيات
شدني وقال
_ اه هتفرق يلا .. بعدها اتكلم وقالهم
_ يلا كل واحد ف عربيته هنطلع ع بيتي ناخد اهلي ونمشي
وطبعا كنت معاه ف العربيه وقاعده ف الكرسي الل قدام وعماله افرك ف ايدي بتوتر بسبب نظراته المهلكه الل تقريبا هتحرقني كمان شويه
_ وهي بقاا الاستاذه سرحانه ف ايي ليكونش ف قرة عينها وانا مش داري
بصتله وسكت...
_ امممم مش هتردي وبقاا مين جابلك الفستان الل بينور دا
ميزو
بصوت عالي _ ميزو مين يعنياااا
هيكون مين ميزو اخويا
_ وهو معاذ بقاا ميزو
حاجه زي كدا
_ وياتري بقاا المكياج الل حطاه دا عاجبك
لا انا حاطه روج بس
لا دي الطرحه هي الل بتتزحلق
_ طب انزلي وصلنا
هنزل
لي مش المفروض ان هما الل هيركبو معانا
بصلي ونزل ع اساس يستقبل والده ووالدته واخته
كانت هتبقي فيها احراج لو منزلتش ف نزلت اسلم عليهم
كانت واقفه بنت ف نفس سني تقريبا انا واميره او اصغر بس كانت اي فورتيكه ابو ايوب _ام ايوب _اخت ايوب _ البنت الفورتيكه _ راجل طويل عريض ومكلبشه فيه ست حلوه كدا دول الل كانو واقفين قدام فيلا جميله اويي
بعدها قربت انا من والده ووالدته وسلمت عليهم بصيت للشخصين التانين ولقيت ايوب بيقولي
_ خالتي وعمي
خالتك وعمك!
_ اممم عادي يعني اخين اتجوزو اختين
بصتله وسكت وبعدين سلمت عليهم
قربت من البنت ولقيت ايوب وهو بيضحك
_ عامله اي يسوسو
حبيبي ي دومي الحمد لله
_ دي اسراء بنت عمي وبنت خالتي .. قالها بضحك
بتاع بنات اوي يعني....
ركبنا العربيات ودا كان النظام ام ايوب وابوه مع يوسف ف عربيته _ خالته وعمه مع الشخص الرابع الل لحد الان معرفوش وفسرت انو صديق ايوب ومعاذ
ركبت اميره مع معاذ ورا وجيت ادخل جمبها لقيت الل بيشدني من ايدي ومين غيره الل بيفقع مرارتي
_ ايي
ايي
_ هقعد مع معاذ اخويا
لا تعالي معايا
_ والله مهو كدا بقاا كنت ركبت مع جوزي
خد نفس واتكلم بعصبيه
بصي انا زهقت منك ي مليكه وزهقت من غبائك قدامي بقاا زي الشاطره ع العربيه كدا عشان زهقي ميطلعش عليكي
بصتله بدموع وسكت مشيت قدامه براحه عالعربيه وكان معاذ مشي اصلا ومفيش غيري انا وهو وهي
لقيتها ركبت ف الكرسي الل قدام ف تلقائي روحت ااقعد ورا ودا شئ محصلش عليه مشكله وفعلا مشينا وانا طول الطريق ساكته بس مره واحده لقيت....
الثامن
