مصلحه ثم عشق للكاتبه زيزي محمد

مش هادمرك ولا هادمر قلبك واهرب بعيد اللي عشته مش هاعيشهولك ابدا انا بس طالبة منك طلب واحد وارجوك ساعديني واقف جنبي.
يزيد وبنفس هدوءه ايه!..
فيروز استغربت ردة فعله وهدوؤه المبالغ فيه.. ولكنها نفضت كل حاجة من راسها عاوزة اطلب منك انك تخلي بالك من ملك وتكبرها وتخليها هي ملهاش ذنب دي عيلة صغيرة متعرفش حاجة ارجوك انت تقدر تقف جنبها ارجوك وافق.

يزيد طيب.
فيروز اتعجبت جدا وايقنت ان في أن في الموضوع هو انت مش متعصب ولا مضايق مني مش هاتضر بني ولا هاتعمل حاجة .
يزيد اض ربك واتعصب ليه وانا عارف كل حاجة بتحصل حواليا.
فيروز مش فاهمة مروة حكتلك.
يزيد هز راسه واتكلم لا مكنش عندها الجرأه كان نفسي تبقى زيك كدا شجاعة وتيجي وتحكي بس ليها عذرها طبعا خاېفة على امها وعلاجها لصافي تقطعه...
فيروز باندفاع اه والله دا صح انت صح هي كدا فعلا خاېفة من ...
وقفت في نص كلامها وركزت اكتر وانت ايه عرفك بكدا هو المفروض انت مش فاقد الذاكرة .
يزيد بمكر انا ذاكرتي اقوى منك انتي ومن اي حد .
فيروز وقفت واټصدمت ايه انت مش...
يزيد وقف وحط ايده في جيوبه واتكلم بقوة يزيد المهدي لا زي ما هما لعبوا عليا انا كمان لعبت عليهم بس بذكائي.
فيروز لسانها وقف عن الكلام وتفكيرها كمان حدقت فيه اوي وضربات قلبها بتزيد يزيد ابتسم بمكر واتكلم بهدوء
_ انتي عارفة يا فيروز ايه الي بان في اللعبه دي كلها انك ساذجة وبسيطة اوي وتفكيرك سطحي تقريبا انا مش بشتمك بالعكس نقائك دا عجبني في زمن الفلوس والخبث والمكر مسيطرين على النفوس قلبك دا ابيض وتفكيرك برغم اللي حصلك متعداش حدود عالمك الخاص في مواقف كتيرة اوي بينا كان ممكن تتاكدي اني مش فاقد الذاكرة مثلا واني بمثل بس انتي التوتر والخۏف سيطر عليكي وعلى مشاعرك وعلى تفكيرك هما كانو فاكرين انهم بيحركوكي زي ماهما عاوزين وانا كنت بحركك زي ما انا عاوز فبالتالي كنت بحركهم كمان....
سهمت في نقطة معينة والدموع سالت من عيناها كتير ويزيد كمل كلامه بنفس قوته .
يزيد زي مانتي حكيتي قصتك احكيلك انا بردوا قصتي ونسمي الليلة دي ليلة الاعتراف...
انا يزيد المهدي المالك لكل ثروة المهدي جدي كان شايف ان ابويا اجدر
واحد انه يدير ثروته من بعده عن عمي وعمتي وابويا لما ماټ بقيت انا في نظر جدي اجدر واحد اني ادير ثروة المهدية واسمها يفضل موجود كبرت الثروة الضعف وكبرت فلوسي انا

عمي وعمتي مكنوش شايفين كدا وبيحاولوا يدخلوا عيالهم رغم ان كنت عارف نواياهم ماعدا مروة الصراحة الا اني كنت بتغاضى عن حاجات كتير اوي وخليتهم جنبي عمي ماټ في حاډثة وعمتي جالها السړطان واترمت في مستشفى بستنتى صافي بنتها تدفعلها فلوسها ومروة كالعادة بتتزل ليها علشان امها عملوا فيا مصايب كتير وسكت وعديت بصوا لشركات وفلوس وعطتهم بس كله الا ارض امي ارض امي اللي ذكرى منها اللي متعرفيهوش انها اختارتها بنفسها من ضمن مجموعة اراضي علشان تقيم مشروعها الخيري ولكن ماټت قبل ما بابا يعترف انه اشتراها اصله كان بيعملها مفاجأه بحفلة شفتي القدر...
قال جملته الاخيرة بسخرية وبعدها كمل بحزن ماټت حبيبتي وهي نفسها كان فيها استكتروها عليا وعاوزين ياخدوها مني تغور كل حاجة الا الارض دي حاربوني كتير وانا وقفت في وشهم وفي الاخر وفي لحظة خرجت من الشركة صحيت لقيت نفسي في مستشفى.... عملت حاډثة كبيرة والسواق ماټ وانا عشت بصعوبة اياد صاحبي واخويا وقف جنبي وقعد معايا في المستشفى اسبوعين اسبوعين بين الحيا والمۏت اسبوعين محدش فيهم فكر يجي ويزورني لما فوقت اياد بلغني ان فرامل العربية حد لعب فيها وان في حد مدبر الحاډثة وقصده اني اموت فيها وقتها اټصدمت يعني انا كان زماني مكان السواق الدكتور دخل وطمني على نفسي وان احمد ربنا عواقب الحاډثة كانت كبيرة وكان ممكن افقد الذاكرة كليا وقتها الفكرة لمعت في راسي وقررت العبها واعرف الدنيا كلها ان يزيد المهدي فقد الذاكرة ودا كان بمساعدة اياد والدكتور وعبد الحميد...
فيروز همست اياد كمان معاك و عبد الحم....
يزيد اه اياد عمره ما يخوني ابدا اياد دا الصديق والاخ والاب وكل حاجة اياد كان بينفذ كل حاجة بتوجيهاتي وعبد الحميد كمان دا راجل جدي وابويا الوفي الاغبية فكروا انهم اشتروهم بالفلوس..
فيروز دفعوا فلوس لعبد الحميد واياد...
يزيد عبد الحميد اه هو ذاع انه بنته على وش جواز ولازم يجهزها وعليه وصلات وهما افتكرو انهم اشتروه.
فيروز طب واياد اقنعهم ازاي!
يزيد اياد مكنش سهل ابدا يقنعهم بانه موافق على خيانتي بس بالتفكير السليم والصح اقنعهم...اياد بيحب مروة ومروة بتحبه والاتنين معترفوش لبعض سالي استغلت مروة مني الزايد انا بعاملها كاختي وبدات تزرع جوا اياد اني بخونه وبحب مروة واننا في علاقة