عشق الزين
المحتويات
ولا يمكن اسيبك ابدا
ليليان ربنا يخليكى ليا يا سارة
فى الجامعه بس فى مكان تانى بعيد عن ليليان وسارة
عمر باشا سرحان فى ايه
عمر هايكون فى ايه اكيد فى الاروخ اللى هناك دا
بس يا عمر دى مش سكتك باين عليها ملهاش فى الشمال
خلاص البنات دى مبتجيش الا بالڠصب
عمر صح..... انت صح الڠصب احلى حاجة
عمر الليثى ابن رجل اعمال ساقط وبيعيد كتير مالوش الا فى البنات مدلع اوى وبيسقط بمزاجه عشان الجامعه المكان الوحيد اللى بيوقع البنات منه
ايمان بتتكلم فى التليفون وبتعيط
ايمان عاوز ايه يا عبد الرحمن .
عبد الرحمن ايه عاوز ايه دى هو انا غلطت فى ايه انا بتصل بيكى اواسيكى تقومى تكلمينى بالطريقه دى
ايمان شكرا مش محتاجة شفقه من حد
عبد الرحمن اخص عليكى يا ايمى بقا انا بعد دا كله بشفق عليكى .... ايمان انا بحبك
عبد الرحمن بنرفزة انت بتتكلمى وكانك مكنتيش معايا خطوة بخطوة فى القرف اللى كنت فيه .... لكن هافضل اقولك وابررلك ان كنت مستنى موضوع ليليان بنت عمى يهدى واهى الحمد لله موضوع خلص بهروبها
ايمان وانت مفكر ان ابوك خلاص هايسكت هو ولا عمك لا دول هايجبوها ويجوزهالك علشان انت الكبير
ايمان بتنهيدة ربنا معاها بابا كان بيحبها وانا كمان بحبها اوى دى كانت صاحبتى الوحيدة ..... بس لو
عبد الرحمن معلش يا قلبى .... مسيرها نلاقيها بس بعيد عنهم .... على فكرة انا قدمت فى البعثه ولو وافقوا باذن لله هاجى واتقدملك واخدك انتى ووالدتك ونسافر
ايمان بقلق طب واهلك ... وبابك هايوافق دا مكنش بيطيق ابويا الله يرحمه
ايمان ربنا يعدى الفترة دى على خير .... جرس الباب بيرن شكلها سهى
عبد الرحمن بضيق انا زعلان منك مش انا قولت بلاش سهى الزفته دى تانى ولا هى شكلك ولا من تربيتك ولا من اسلوبك .... دى شمال
ايمان طب اعمل ايه والله ما عارفه اخلع منها لزقت فيا ... وبعدين انا بكرة اسلوبها جدا بس جت وعزتنى ووقفت جنبى مينفعش اقفل بابى فى وشها
عبد الرحمن طيب لاخر مرة بقولك ابعدى عنها
ايمان حاضر
عبد الرحمن يلا انا هاقفل هاتعوزى حاجة اجبهالك
ايمان لا يا عبد الرحمن شكرا
عبد الرحمن سلام يا قلبى
ايمان قفلت وخرجت تشوف مين كان بيرن وسألت مامتها
ايمان ماما مين كان بيرن الجرس .
توحيده دا احمد كان جاى يسألنا فى حاجه عاوزينها
ايمان اه فيه الخير ..... انا كنت بحسب سهى
توحيدة بضيق لا مش زفته
ايمان اه من حق يا ماما مين الراجل الى كان واقف فى كل حاجة يوم مېت بابا
توحيدة بارتباك وانتى شوفتيه فين ... انتى كنتى تعبانه ونايمه هنا
ايمان دى سهى اللى يومها سألتنى.
توحيدة دا قريبى من بعيد وبيشتغل فى السعوديه ومتجوز ولما عرف جة على طول ومشى عشان سايب مراته لوحدها...... وبعدين قصرى من البت دى عشان هاتوقعك فى مشاكل
ايمان حاضر .... والله انا كمان مخنوقه منها دى لازقه فيا لزقه.
فى شركه الجارحى
سهيله زين باشا ..... الوفد الالمانى وصل
زين طيب حضرى الورق وبلغى مراد
سهيله بخبث تمام .... بس فى مشكله ليليان مجتش لغايه دلوقتى
طبعا سهيله كانت فى نيتها توقع ليليان فى مشكله لتاخيرها
زين مش مشكله عادى انتى الى هاتحضرى معايا الاجتماع .... جهزى كل حاجة
سهيله خرجت وفى نفسها لا بقا دا اكيد الموضوع فى إن ولازم اعرفها
فى الجامعه
سارة تعالى يابنتى نشرب حاجة انا صدعت ولسه اليوم طويل
ليليان
متابعة القراءة
