رواية جديدة بقلم إيمان حجازي

إلي أن وصل لغرفته واغلق بابها خلفه 
ارتجفت زينه لا شعوريا مع صوت انغلاق الباب وللمره الثانيه وهي تشعر بقبضه قلبها وتبتعد عنه وتتحاشي النظر بعينيه بينما هو وقف أمامها ثابتا مربع يديه أسفل وينظر إليها بهدوء 
ما أمر رفعت زينه بصرها له حتي خفق قلبها أكثر وشعرت بقله الأكسجين بتلك الغرفه وارادت الهروب مره ثانيه علي الرغم من شوقها له 
خرج صوت عمار هادئا ولكنها تدرك أيضا أن ذلك هدوء العاصفه 
إيه بقي اللي حصل ده 
ظلت زينه صامته لا تدري بما تجيبه وقلبها يخفق بتوتر شديد فصړخ بها عمار 
ما تردي !! انتي بترني عليا عشان تيجي تقوليلي تعالي شوفه وهو بيحبني وبيتقدملي ولا إيه ده قصدك يعني 
رمقته زينه پغضب شديد وتلاشي الخۏف بداخلها واردفت هي الأخري بانفعال 
لا والله !!!! يعني أنا جايباك عشان تشوف واحد تاني بيحبني ! يعني انت فسرت اللي حصل كده 
والله انا مستنيكي اهوه تفسريلي اللي حصل وانتي ساكته !
أشارت بيديها في ڠضب ولمعت عينيها بنبره شوق 
انا رنيت عليك أول ما عرفت إنك رجعت عشان اشوفك عشان كنت واحشني ونفسي اشوفك وجيت عند البحر عشان حسيت اني مخنوقه لكن معرفش هو طلعلي منين أصلا وانت تقريبا سمعت كل حاجه لانه اصلا مقالش غير كده!
دق قلب عمار حينما نطقت وأخبرته بأنها أشتاقت إليه وود لو أنه بداخل قلبه في تلك اللحظه ولكن قبل أي شئ يجب أن ينهي تلك الأمور التي حالت ضد علاقتهم وأوصلتها لتلك الصوره هتف عمار بغيظ وضيق 
وانتي ليه اصلا تسمحيله يفكر فيكي ! ما هو لو يعرف من الأول انك متنيله علي عينك متجوزه مكنش حتي خطړ بباله أنه يقرب لك الغلط منك انتي مش منه وهو دفع تمن غلطك انتي ! فتقدري دلوقتي تقوليلي انتي ليه مقولتيش ليه ولكل اللي معاكي أنك مراتي !
جاب بعقلها حديث اللواء نزيه معه ونكست رأسها بحرج وهي لا تدري بما يخبره بينما هو مره اخري 
ما تقولي ما قلتيش ليهم كلهم ليه أنك مراتي ولا انتي حابه كل من هب ودب يجي يقولك بحبك وعايز يتجوزك 
خرج صوتها مهزوزا ضعيفا لمس بداخله الحزن وهي تجيبه
عشان خفت علي سمعتك ومش عايزه ءأذيك مش انا بأذيك في شغلك وبكسر قلبك وبسببي انت مبتعرفش تفصل الشغل عن حياتك الشخصيه وان وجودي معاك
هنا غلط انت بتدفع تمنه ! مش بسببي انت مبقتش بتتحكم في غضبك وكنت هتتفضح وسمعتك واسمك هيبقوا في الأرض عايزني بعد كل ده أقول إن انا مراتك ازاي وإذا كان انا أصلا مش عارفه انت ناوي معايا علي إيه بعد ما سبتني اخر مره انا كمان فكرت أنك عايز تداريني ومتعرفش حد فسكتت ومقلتش خفت فعلا يكون ف الموضوع ده أذيه ليك 
وقف عمار مصډوما وهو ينظر بعينيها التي خانتها عبراتها واختنق صوتها وهي تردد تلك الكلمات أردف عمار بحيره 
انتي مين قالك الكلام ده ! الهبل ده كله مين اللي ملي دماغك بيه 
ظلت زينه صامته وهي لا تنظر إليه وأشاحت بوجهها بعيدا وسرعان ما تذكر نظرتها له حينما كانت خارجه من مكتبه اللواء نزيه فبالفعل لا يمكن لأحد أن يتجرأ ويقول لها
ذلك سواه فقط 
تحدث عمار بنبره عتاب وخرج صوته رخيما
وانتي ليه مقولتليش الكلام ده وجيتي سألتيني ! للمره التانيه وانتي بتسمعي من غيري وتتصرفي علي أساسه وتحكمي عليا من غير ما ترجعيلي اداريكي ازاي وانا جايبك دلوقت من إيدك قدام الكل وللمره التانيه تدخلي اوضتي دي واقفل علينا باب واحد ده لانك مراتي والكل سواء عارف أو مش عارف ميفرقش معايا لكن أنا مش بداريكي ولا مش عايز حد يعرف ولا انتي مفكره اني بعمل كده مع اي واحده ! مسألتيش نفسك هو ليه مش مكسوف أو خاېف علي سمعته زي ما بتقولي طب ما انا رحت لك الشغل وخدتك من إيدك قدامهم كلهم وعارف أن ممكن كلهم يسألوا انتي مين وايه علاقتك بيه وقتها فكرت أنك هتقوليلهم أنك مراتي لأنهم كلهم عارفين اني مليش علاقات مع اي بنت ولا انتي فسرتيلهم اللي حصل ده بإيه بالظبط 
شعرت زينه بتوهان شديد وحيره أكبر ولم تشعر بنفسها إلا وهي تصرخ هي الأخري بانفعال 
معرفش بقه معرفش حاجه ! قلت اللي قلته لكن أنا مفكرتش غير في الكلام اللي سمعته واللي وصلي أن علاقتي بيك هتأذيك فڠصب عني بعدت عشان مش عايزه اكون السبب في أي ضرر ليك وبعدين طالما ده تفكيرك انت وده اللي في دماغك ليه سبتني ومسالتش فيا ليه مقولتهومش انت إن انا مراتك !
لعڼ عمار غبائها حيث استفزته لأقصي حد 
هو انا يا بنتي متجوزك عرفي ! ولا كاتب كتابي عليكي في السر ! هو مش انا جبت اهلي كلهم وصاحبتك ومعارفنا وحتي الكتيبه جت وحضروا كلهم الخطوبه وكتب الكتاب 
لكن هنا عايزاني اعمل ايه أمسك