روايه حكايا لكاتبتها ايمان

وشغفك بتاع زمان استردتيه
شاهى فعلا يا سارة عندك حق بس برضو الفضل يرجع ليكى لولا فكرتك مكنتش حبقه كده كنت فضلت محبطة ومكتئبة دا غير ان الناس هنا تحسى وسطهم بالالفة والمحبه والامان حب بدون مقابل
سارة ربنا يكمل جهدك على خير ويوفقك يارب
شاهى يارب يا سارة تعالى اما افرجك على بعض التصميمات اللى خلصت وتقوليلى رأيك
سارة هو فى حد يقدر يقول راى فتصميمات شاهى عملها
شاهى سيبك من الكلام ده يلا تعالى معايا
يتبع
حنعمل ايه يا جماعة الايام الجاية
سلمى حنعمل اايه فأيه يا أروى
اروى فى امتحانات الترم اللى قربت
نجلاء اخ دا

انا نسيت الموضوع ده خالص
سلمى انا عن نفسى مش حدخلها
اروى ايه اللى انتى بتقوليه ده ياسلمى دى اخر سنة معقول تضيعى مجهود السنين اللى فاتت دى كلها
نجلاء ما تسمعيش كلامها دى بتقول اى كلام حتروح طبعا
سلمى يسلااام وانتى حتعرفى اكتر منى ياست نجلاء
سارة ايه يا بنات مالكم حطين رسكم فروس بعض كده ونزلين رغى فأيه دا انا سلمت عليكم ولا رديتوا
نجلاء مندفعة كويس انك لسه هنا شوفى سلمى اللى فكرتها عشان بتزورك لسه ربنا هداها قال مش عوزة تدخل امتحانات الترم
شاهى أوباااااا صحيح يا بنات دا انتوا داخلين على امتحانات والمفروض تذاكروا يعنى لازم نوقف الشغل
سارة توقفى شغلك ليه انتى تستمرى فى التصميمات ومامت سلمى واروى يسعدوا فاللى يقدروا عليه لحد لما البنات تخلص امتحانات ويرجع الفريق كله بالكامل
شاهى بفرح صح برافوا عليكى يا سارة دايما عندك حلول مدهشه وبكده حقدر اخلص فى المعاد اللى انا حطاه فدماغى
سارة وانتى يا سلمى ممكن تعدى عليا بكره
سلمى حاضر
سارة طيب يا جماعة بعد اذنكم بقه اسيبكم تشوفو شغلكم واروح اشوف شغلى انا كمان
وما ان انصرفت سارة حتى استأذنت ورد هى الاخرى لتذهب لاخيها
بدئت الامتحانات وذهب الجميع لاداءها حتى سلمى بعد ان أقنعتها سارة ثم عادوا بعد انتهاءها للعمل مع سارة على قدم وساق لاتمام كل شىء
انتى ما شاء الله تطريزك تحفة يا اروى
ميرسى يا شاهى اصل دى هويتى من صغرى
وانتى يا ورد ما شاء الله اتعلمتى منها بسرعة وبقيتى استاذة
ميرسى يا شاهى اصل انا كمان حبيت التطريز اوى دا غير انى بدئت اتعلم شغل الخياطة من مامتها
شاهى كمان دا كده مش فاضل غير تتعلمى التصميم والقص وتنافسينى
ورد ودى تيجى مش ممكن طبعا
شاهى ليه لا زى ما اتعلمت انا من غيرى انتى كمان تتعلمى منى هى الدنيا كده يلا اسيبكم تكملوا شغلكم
ورد لاروى شاهى دى ست جميلة اوى من بره ومن جوه
اروى فعلا ست جميلة
بت يا نجلاء الشغل كله خلص وشاهى حجزت القاعة اللى حتعرض فيها وزى ما سمعتى كده حتاخدنا بقه تدربنا هناك انا مړعوبه يابت
نجلاء ومين سمعك انا كمان مړعوپة اوى
يسلاااام مش انتى اللى كنتى موافقة من الاول وشجعتينى
اه ماهو الكلام سهل لكن التنفيذ صعب
يعنى ايه 
يعنى ربنا يستر بقه
يلا ياسلمى تعالى يا نجلاء عشان نبدء البروفات على الاستيدج كل اللى كنا بنعمله الوقت اللى فات فى البيت عوزاكم تنفذوه دلوقتى ادامنا احنا حنقعد حوالين الاستيدج كأننا الجمهور وانتوا بقه واحدة واحدة تطلع وتتمشى زى ما علمتهلكم انهارده حتبدءوا من غير اللبس اللى احنا محضرينه اما من بكرة حنعمل العرض بكل الفساتين واللبس كله وكأننا يوم العرض بالظبط هااا يا بنات مين حتبدء سلمى وهى تخفى نفسها خلف نجلاء يلا يلا يا نجلاء انتى الاول
بعد قليل من التردد صعدت نجلاء وأخذت تتذكر كل ما تعلمته من شاهى وتقوم بتنفيذه بحذافيره فأخذت شاهى تصفق لها بفرح فتبعها الجميع مما شجع سلمى على الصعود هى الاخرى ومقابلتها بخطوات ثابته ورشيقة وهى عائدة من حيث بدئت لتستلم سلمى الاستيدج وينبهر الجميع ويتعالى التصفيق أكثر وأكثر كلما اختفت احداهما وظهرت الاخرى الى ان انهيا العرض معا فصعدت شاهى على الفور اليهم تحتضنهما معا
شاهى برافوا يا بنات انا مكنتش الحقيق متصورة انكم استوعبتوا كل كلمه وحركه علمتهلكم بالبراعة دى انتوا بجد ابهرتونى وعشان كده انا عزماكم كلكم على العشا يلا بيينا
كان الجميع فى حالة من الفرح اثناء تناولهم العشاء الا ان شاهى كانت شاردة تماما
ورد مالك يا شاهى سرحانه فايه ومش بتاكلى
شاهى بفكر فى الحاجات اللى ناقصة عشان نكمل الديفليه ويطلع بالصورة اللى بحلم بيها
سلمى هو ايه اللى ناقص تانى
شاهى المنظمين يا سلمى
نجلاء منظمين يعنى ايه
شاهى يعنى الناس اللى حتعمل الديكور للمكان والناس اللى حتستقبل المدعويين وتقعدهم فى اماكنهم والناس اللى حتقدمكم انتى وسلمى وتوصف وتشرح اللبس اللى انتوا حتظهروا بيه فكل مرة والموسيقى اللى حتصاحب العرض
اروى كل دى حاجات بسيطة وكيد عندك الناس اللى بتستعينى بيها دايما
شاهى دا صحيح بس انا عوزة المره دى مختلفه مختلفة عن اى مرة قبلها فكل شىء فهمنى
سلمى يعنى ايه يا شااهى انتى عوزة ايه بالظبط
شاهى بغيظ ماهو انا لو عرفه انا عوزة