انيسي بقلم شهد فرج

تاني في كل مكان وكانت النتيجة برضو الخيبة  
خبطت علي دماغي ب ضيق لما افتكرت انها وقعت مني علي باب الصالون وانا بسمعهم 
عرفت يا زياد انك كنت ظالمها !
وانا اي عرفني يا ماما انها هتتأخر في الكلية ل دلوقتي مانا مش بقرأ علي كف ايدي يعني !!
لا مش بتقرأ بس علي الاقل تستني لما تيجي ونفهم منها ال حصل مش تتكلم عنها بالطريقة دي 

بصيت لهم مريم ب قلق واتكلمت وهي بتقعد جمب مامتها 
عيون كيان كان جواهم حزن كبير بتحاول تخبيه انا حاسة انها سمعت حاجة 
بصيت لها مامتها ب شك 
تفتكري 
قعد زياد جمبهم ب تعب وهو بيضغط علي راسه 
ما اعتقدش لانه بحكم معرفتي بيها و بشخصيتها لو كانت سمعت مكنتش هتدخل عادي 
بصيت له دلال مامته ب سخرية وهي بتقوم 
انت لو بحكم معرفتك بيها بجد مكنتش هتقول كد ربنا يستر وماتكونش سمعت حاجة فعلا 
وكملت وهي بتوجه كلامها ل مريم 
تصبحي علي خير ياحبيبتي انا داخلة انام 
رفع زياد حاجبه ب ضيق 
مافيش تصبح علي خير يا زياد ولا بقيت ابن البطة السودة دلوقتي !!
تجاهلت دلال ومريم كلامه ودخلوا كل واحدة اوضتهم وهو فضل لوحده ولما زاد ۏجع دماغه وقف واتجهه للمطبخ يدور علي اي برشام يخفف الۏجع شوية 
فتحت باب اوضتي ب راحة ولما لفيت ب نظري في المكان واتأكدت انهم ناموا خرجت اتسحب علي طراطيف صوابعي عشان محدش يحس بيا لاني مش قادرة لأي كلام دلوقتي خالص و 
مالك بتتسحبي كد زي الحرامية 
شهقة عالية خرجت مني من الخضة ف حطيت ايدي عليه فمي بسرعة وضربات قلبي تكاد تسمع والله وحقيقي انا خلفي اتقطع بسبب ال منه لله 
حاولت اسيطر علي اعصابي وانا ببصله ب عصبية و انا علي تكة هقوم افشفش راسه خالص عشان مايطلعلوش حس تاني البني ادم المستفز ده 
في حد يخض حد كد !
وهو في حد يخرج من اوضته بيتسحب كد !!
بصيت له ب طرف عيني وقررت اتجاهله خالص ف مشيت ناحية الصالون لقيت الشنطة مكانها سحبتها ب سرعة وهو لسه واقف بيبصلي ب هدوء قربت من اوضتي كنت هدخل و اقفل الباب بس لقيتني برجع له تاني وبتكلم ب أبتسامة جانبية
المرة الجاية لما تتكلم عن شرف بنت بالسوء ب اعتبار انها مش موجودة وتتكلم عن يتمها وكأنه عار او عيبة في حقها افتكر ان في رب شايفك ومش بيسيب حق حد 
حسيته اټصدم لما عرف اني سمعته ووشه احمر من الخجل ولكني ما اهتمتش ورجعت ل اوضتي تاني  
لسه هفتح الباب
وادخل سمعت صوته وال من نبرته الندم ف وقفت ولكن مالتفتش له
انا اسف حقيقي مش عارف اقولك اي بس انا كنت قلقان عليك والله لما اتأخرتي كد وتليفونك مقفول ومكنتش عارف انا بقول اي من خۏفي سامحيني يا كيان 
اسفك مش مقبول 
دخلت اوضتي وانا بتنهد ب ضيق وخوف كبير بيتبني جوايا من ال جاي ولكني حاولت اهدئ نفسي ب ان هيحصل اي اكتر من ال حصل 
خرجت الفون من الشنطة كان لسه فاصل شحن نفخت ب ضيق وانا بدور علي الشاحن ب عيني ابتسمت لما لقيته علي التسريحة اخدته بسرعة حطيته علي الفون لحد مافتح جبت رقم سارة ورنيت عليها 
كيان في حاجه ولا اي 
واحدة رانة عليها الساعه 3 الفجر طبيعي تقلق كد ولكن مكنش قدامي حل تاني ومش هينفع استني للصبح 
سارة ماتعرفيش تتصرفيلي في اي مكان اقضي فيه يومين لحد ما القي شقة اجرها 
انا مش فاهمه حاجة شقة اي ومين هيأجرها ! 
لا سارة ابوس ايدك صحصحي معايا كد و ركزي 
فوقت اهو وفهميني براحة انت عاوزة اي 
كلامها ال في الرسالة كان ب مثابة سكاكين بتقطع قلبي مهما قولت او عملت دلوقتي محدش فيهم هيعذرني وده حقهم اكيد مانا كلامي مكنش هين معاها 
يعني كيان سمعتنا امبارح !
تنفست مريم ب ضيق 
اكيد يا ماما اومال اي هيخليها تسيب البيت كد 
دموع ماما بدأت تنزل علي خدها وانا واقف جمبها مش قادر اتحرك او اعمل حاجه 
هتروح فين طيب دي مابقاش ليها غيرنا 
مش ممكن تكون راحت ل خالتو يا ماما 
هاتيلي تليفوني بسرعة اكلم ثريا 
جريت مريم ب سرعة ولهفة علي اوضة ماما وانا عيني متركزة عليها وجوايا امل كبير ب إنها تكون عندها مع ان احساس جوايا كان بيقول انها مش هتروحلها ولكني ماحبتش اسبق الاحداث وانتظرت لما ماما تكلم خالتو لعلي وعسى تكون عندها فعلا 
خدي يا ماما انا جبتلك الرقم 
قعدت مريم جمبي واحنا باصين ناحية ماما وهي بتتكلم ب انتباه 
ازيك يا ثريا عاملة اي 
سكتت شوية لما خالتو ردت عليها وظهر علي ملامح ماما الضيق والحزن ولكن حاولت تعدل نبرة صوتها وهي بتقفل معاها 
ايوة بتسلم عليك لا متقلقيش عليها دي في عنينا ماشي ياحبيبتي خدي بالك من نفسك سلام 
مش عندها 
كلمة واحدة قالتها ماما لما قفلت مع خالتو وبدأت دموعها تنزل تاني ومريم بتحاول تهديها عشان ماتتعبش 
حقيقي يا سارة انا مش عارفه اشكرك ازاي انت ربنا بعتك طوق نجاة ليا والله  
ابتسمت سارة ب طيبة وهي بتغسل ايديها جمبي 
انا ماعملتش حاجة يا كوكي الشكر كله يروح ل مستر سليم ومستر ادهم بعد ربنا 
اتنهدت ب راحة وانا بهز راسي بالموافقة 
بس غريبة يعني هما ليه عاملين سكن مجمع للي شغالين معاهم 
ولا غريب ولا حاجة هما عندهم كذا عمارة ولان اغلب ال شغالين هنا طلبة مغتربين عطوهم شقتين يسكنوا فيهم وبيخصموا كل شهر الاجار من مرتبهم بس طبعا ب سعر قليل اوي مقارنة بالشقق التانية 
هزيت راسي ب اقتناع وانا بدعيلهم بالخير في سري 
بعد نص اليوم كان وقت البريك و للأسف اليوم ده كان عندي محاضرة مهم ف قررت اروح علي مكتب مستر ادهم وسليم استأذن ب أني اخد نص اليوم اجازة  
وانا في طريقي للمكتب حسيت ب هزة في جيبي وقفت وانا بطلع الفون وال كان بيرن ب رقم غريب ف اتجهت ل ركن منعزل في
الكافية 
الو 
سكت وانا بسمع رد الطرف التاني
ازيك يا كيان عاملة اي ياحبيبتي 
علي اد ما كنت زعلانة منها علي اد ما كانت وحشاني عمري ما تخيلت ان هييجي اليوم ال هكون مش قادرة اكلمها عادي وان هيكون في حاجز كبير كد بينا للوهلة الاولي قلبي حن لها ولكن لما افتكر جحودها معايا دوست علي قلبي ومشاعري 
مين معايا 
حسيت من بنرة صوتها انها زعلت ولكن حاولت ما اتأثرش ولا ابين ده في كلامي 
معقول اسبوع واحد ينسيك صوتي يا كيان !
نفس الاسبوع ال نساك ان عندك بنت طردتيها من بيت ابوها عشان جوز الفيران ال وماسألتيش فيها هتصرف منين ولا هتتصرف ازاي في بيت ماتعرفش فيه حد نساني اني عندي ام 
يا كيان انا بس كن 
قاطعتها ب سرعة وانا حاسة اني لو فضلت ثانية كمان هعيط وابين لها ضعفي في غيابها 
بصي يا مدام في اليوم ال انا بقيت فسه يتيمة الام انت فقدتي بنتك و ياريت ما تحاوليش تكلميني تاني لاني مش هرد 
قفلت الفون وانا حاطة ايدي علي قلبي وبحاول اهدئ نفسي ب ان ده مش الوقت ولا
المكان المناسب للعياط 
يارب انا