حدث في الجامعه بقلم زهره الربيع

بيتعب قوي ده انا شوفتك مره واحده وتعبان ودايخ... كان وصل عندها وبصلها وقال...ارحميه وارحمي كل غلبان زيي
غدير كانت عايزه تبتسم على كلامه بس قالت ممكن لو سمحت ترجع مكانك .. مش قلت هتنام هنا يلا اتفضل روح نام
ضحك وبعد عنها وقال طب وانت هتنامي واقفه زي الخيل ما تيجي يا بنتي تنامي جنبي هو انا بعض ده انا عاقل جدا على فكره
غدير ضحكت وبقت تاخد مخدات هتنام على الكنبه وقالت لا فعلا فعلا عاقل قوي على فكره يا استاذ ياسين انا عمري ما كذبت ومش بعرف اخبي على حد وبما اننا مضطرين نقعد مع بعض فتره هنا فانا كان لازم اقوللك اللي جوايا

ياسين ابتسم وقال ..ده انا ھموت واشوف اللي جواكي قصدي واعرف اللي جواكي قولي
غدير قالت.. انا عارفه ان حضرتك سمعتك زفت ومشهور في المدرسه انك بتاع بنات ومعروف ان قعدتك بره فشلتك على الاخر...بس انا مش هقول لك انا غير البنات اللي تعرفهم لا انا حاجه ثانيه خالص خالص غير كل اللي عرفتهم...يعني متحاولش
ياسين قال ..انتي حاجه تانيه غير اي واحده عرفتها ولا معرفتهاش انتي حاجه متخلقش منها اتنين
غدير هزت راسها بيأس منو ونامت على الكنبه وقالت تصبح على خير
ياسين اتنهد وقال طب بذمتك ده ينفع يعني انا هكون نايم على السرير ده كله طويل عريض لوحدي وانت على الكنبه كده ما اقدرش ما يجينيش نوم ابدا
غدير قالت.. و المطلوب
ياسين قال ..والله والله ما يصحش ابدا لازم تيجي تنامي هنا جنبي على السرير
غدير ضحكت وقالت لايصح خالص شكرا مش بحب انام جنب حد
ياسين ضحك وقال علشان ما جربتيش لو جربت تنامي جنب حد مش هتعرفي تنامي لوحدك ابدا جربي بس خصوصا لو كان الحد ده انا
غدير ضحكه من قلبها وقالت الواحده محتاجه فعلا لواحد زيك يعني يخفف من الهموم شويه مضحكني مۏت
ياسين ابتسم وقال ده من حظي لو ضحكت الشفايف القمر دي كانت بسببي
اتنهدت وقالت يا ابني انت اي حاجه راشق على طول نام بقى معايا جامعه الصبح
لسه هتنام بس قعدت بسرعه وبصتله وقالت هو انت هتتصرف ازاي بكره الصبح يعني ازاي هنقول اننا كنا متجوزين وكده تفتكر هيصدقونا
ياسين قعد وقال بجديه تعرفي انا من الاول شايف ان ملوش لزوم نعمل كده انتي بنت ما فيش منك وما عملتيش حاجه لكل ده عشان تضطري تبرري وتكدبي علشان ناس هم اۏسخ من اننا نكلمهم اصلا..بس مضطرين نتعايش مع المجتمع السخيف الي هيفضل حاطك في خانه قذره لو معملناش كده .. علشان كده وافقت بابا على اللي قالوا ..احنا بكره هنحكي كل اللي حصل بس بطريقه تانيه انك تعبتي ودختي في الحمام وانا دخلت اطلعك لاني جوزك من قبل كده بكتير وبس
بصتله وقالت طب ما حدش هيسال على تاريخ القسيمه او يشوفها او كده
ياسين قال ..محدش من حقه يسال وحتى لو حد سال مش مجبرين نرد عليه
غدير قالت بحرج..طب و بالنسبه يعني للقلم اللي انا لسعتهولك قدامهم ا
ياسين اتسعت عنيه وهو بيبص لها بدهشه وقال لسعتهولك...انتي عارفه كان نفسي اقطع ايدك بعد الحركه دي ..بس ما علينا خلينا في المهم الموضوع ده محدش هيسأل عنو اصلا .. المهم ان مهما يتقال بعد كده من كلام سواء اتقال ان دي كلها لعبه او اتقال اي حاجه من الكلام ده طنشي خالص وما ترديش على حد وتتعاملي مع الناس على انهم