اسكريبت بسمله احمد
منه
طب أدي لنفسك فرصة تحبني
أنا مش بحبك يا تاليا ومش هحبك
بس أنا..
أنت مش بتحبيني دي مشاعر مراهقة
بس مشاعر.. في الأول والآخر اسمها مشاعر بحسها وبتأثر بيها
يمكن أنا اتعاملت معاكي غلط من البداية بس صدقيني مجاش في بالي إنك هتحبيني أنا كنت معتبرك صاحبتي
متخيل إني بقولك إني بحبك وأنت بتقولي إنك مش بتحبني!!
قلبي وقلبك مش بإدينا أنا مش بحبك وأتمنى إنك تكتشفي بعدين إنك مش بتحبيني
تاليا أنا آسف
مع الأسف اعتذارك ملوش لزوم
احنا ممكن ننسى كل اللي حصل ونفضل صحاب
لو أنت عارفني كويس هتعرف إني لما بنهي حاجة بنهيها كاملة.. عن إذنك
مشيت وأنا بعيط بإنهيار وبفتكر كلام ماما.. هو مكانش متوقع إني هحبه وأنا كنت واثقة إني مش هحبه بس هو صح.. قلبي وقلبه مش بإدينا.
وبعدين ايه اللي حصل
هو مغلطش يا ماما.. الغلط من عندي إني حبيته
مش عشان أنا زعلانة منك يبقى هسمحلك ترمي اللوم كله عليكي
بس أنا برضه غلطانة
هو غلط في طريقة التعامل معاكي كطالبة وأنت غلطتي إنك سمحتيله يتمادى في الطريقة دي وطاوعتيه
يمكن زي ما هو قال إن دي مشاعر مراهقة ويمكن تبقى مشاعر حقيقية.. بس لو هي حقيقية فأنت هتنسيها بسرعة يا تاليا صدقيني
هو كان أولوياتي في الحب ودلوقتي بقى أولوياتي في النسيان
بصتلي بشفقة وهي بتشدد من حضڼي.. بصتلها بإبتسامة مزيفة
أنا آسفة إني مسمعتش كلامك من الأول
وأنا آسفة إني سيبتك براحتك من الأول
عتابنا كان هادي هي كانت متفهمة حالتي وأنا كنت بستمد قوتي منها.
بصيت للتليفون ونفسي أجاوب بآه وفي نفس الوقت خاېفة أقول آه لأول مرة أعرف يعني ايه صراع العقل والقلب سوا.. لأول مرة أحتار في إجابة وأحس إني مش فاهمة
لأول مرة أفتح رسالته ومردش عليها
هاتي التليفون
ماما
دوري جه
دلوقتي.. هاتي التليفون يا تاليا
اديتلها التليفون وأنا مش عارفة هي هتعمل ايه.. لقيتها كلمته قدامي وفتحت الإسبيكر
أنا مامتها
سكت شوية ومقدرتش أمنع نفسي من الإبتسام على صوته الملهوف في بداية المكالمة.. سمعته بيتردد وهو بيسألها عني
هي كويسة
أعتقد إن حاجة زي دي معدتش تخص حضرتك
أنا بس عايز أتطمن عليها
صوته كان يائس وهو بيطلب قرار العفو عن ضميره لقيت ماما اتنهدت وهي بتبصلي
اتطمن هي بخير
أنا آسف إني كنت السبب في ۏجع قلبها دة وآسف إنها بتعاني بسببي وآسف لحضرتك بس أنا مش قادر أشوفها غير صديقة ليا مش أكتر
وأعتقد بقى إنه الحل في بعدك عنها.. لا تبعتلها ولا تكلمها بعد كدة
وأنا
أقدر أحسن نفسية بنتي كويس
هي جمبك
ملكش فيه
سمعت ابتسامته في صوته وبدأ يحول الحوار ليا ويكلمني
يبقى جمبك تاليا أنا بجد آسف وفعلا أنا هبعد عشان خاطرك وعشان معدش ينفع نبقى في مكان واحد بعد كدة بس عايزك تعرفي إني دايما موجود ودايما هفضل فاكر تاليا الطالبة المتفوقة وهفضل فاكر تاليا صاحبتي وأختي الصغيرة.. هفضل فاكرك
شهقت بصوت عالي من كلامه وأنا بعيط ولأول مرة أحس بالعاطفة دي في صوته.. ابتسمت بحزن وأنا بقلع السلسلة من رقبتي
متأنبش نفسك كتير.. أنا هبقى كويسة اتطمن
وهو دايما عارف إني ببقى قد كلمتي.. قفل مع ماما وهو متطمن عليا
سلمت السلسلة لماما تتصرف فيها زي ما هي عايزة وروحت نمت على السرير ودفنت نفسي تحت البطانية ونمت وأنا بحاول أمحي اليوم من ذاكرتي وكل اللي في بالي إني أثبت لنفسي إني هبقى كويسة وإن عز فترة صغيرة عدت بالحلو والمر بتاعها
وآخر حاجة جات في بالي قبل ما أستسلم لهروبي من الواقع المشاعر المختلفة اللي كانت مسيطرة على نبرته في الفون بداية من لهفته وقلقه مرورا بيأسه وانتهائها بدفاه وحنانه في آخر كلام قالهولي.
