ابن ليل بقلم اميره اسامه

ما دخلنا وانا مش عارفه اسيطر علي نفسي وحاسه اني ھنموت من التوتر
عمرو عارف يا قلبي وعشان كده بنقول يعني لو نكسر التوتر ده ونخلص يبقي احسن ولا ايه
ابتسمت سونه وضربتوا علي كتفه
عمرو بإبتسامه قام ومسكها من أيدها انا بنقول كده بردوا
سونه عمرو انا مقولتش اه علي فكره
عمرو و مقولتيش لا وانا بني ادم بيستغل المواقف 
ضحكت سونه ودخلت معاه علي اوضتهم يسرقوا مع بعض لحظات حلوه من الدنيا
خرجت دره من الحمام لقت سماح في الريسيبشن
دره ايه ناموا
سماح اه دول شكلهم كان تعبان اوي باين كده مش متعودين علي السهر
دره اكيد مش بيروحوا تمارين ولسه مخلصين درايه لسه متعودوش واكيد كده افضل ليهم دول لسه صغيرين علي السهر

سماح يلا المهم انهم ناموا كنت خاېفه يزعلوا خصوصا ياسين بحس انه بيتكسف اكتر من مريم
دره مريم عشريه اكتر بس يمكن عشان هو ولد ولسه مش متعود اديله شويه وقت وبعد كده هتلاقيه بيتعامل عادي وحاسس اننا اهله خلاص 
سماح ربنا يهديهم
دره البنات نامو
سماح دانه ودارين نامو وديما كانت بتنام خلاص
دره وانتي مش ناويه تنامي علي فكره كتر السهر هيتعب بشرتك متنسيش انك اسبوع وهتبقي عروسه
سماح بإبتسامه ما انا هنروح ننام خلاص بس كنت عايزه نتوضأ ونصلي وبصراحه سونه وحشتني
دره بضحك يابت هي لحقت ده احنا سايبنها من كام ساعه وبعدين مالك ومالها ماتسبيها تتبسط
سماح يا تري بتعمل ايه
دره بضحك اسبوع يا اختي وهتعرفي كانت بتعمل ايه
سماح بضحك احيه ايه الصدمه دي
دره الله مش انتي اللي بتسألي يلا يا بت بلاش قلة ادب خليني ندخل ننام انا كمان ويكون في علمك انتي الاسبوع ده امانه معايا يعني اشوف دلع ومرقعه مع سيزحسن هنروق عليكي انتي وهو
سماح بضحك لا والله متقلقيش احنا مؤدبين
دره ايوه خليكم مؤدبين كده بعد ما تتجوزوا قلوا ادبكم براحتكم محدش هيقولكم حاجه
سماح ضحكت ووشها احمر ماشي يا ستي هتنامي
دره اه فصلت مش قادره هندخل نصلي وبعدين ننام
سماح طيب مش عايزه اي حاجه قبل ما تنامي نعملهالك
دره لا يا قلبي متتعبيش روحك ادخلي نامي يلا
سماح تصبحي علي خير يا احلي دره
دره وانتي من اهله يا قلبي
مسكت سماح المصليه ودخلت دره وقفلت الاوضه عليها وقفت صلت وبعدين رمت نفسها علي السرير بتعب مسكت موبايلها قبل ما تنام لمحت رساله من اكتر من نص ساعه 
كرم وحشتيني 
أبتسمت بحب و اتصلت عليه بسرعه سمعت صوته نايم
كرم الووو
دره انت كمان وحشتني
كرم لسه فاكره يا شبر ونص ودين محمد يعدوا بس الاسبوعين
دول ومش هنحلك
دره بضحك انت بتستحلفلي وبعدين فيك نفس ده انت ضايع ونايم علي روحك
كرم ما انا فضلت مستنيكي وانتي مش معبراني مشغوله بالعيال شكلك
دره بحب وانت زعلان ليه يعني بذمتك ينفع اسيبهم مع سونه وعمرو في اليوم ده 
كرم وانا مال اهلي يعني تبسطيهم وتنكدي عليا
دره بضحك ايه ده انت غيران من العيال
كرم اه عندك مانع
دره لا بس دول اطفال
كرم انا كمان
طفل علي فكره واصغر منهم
دره طيب والطفل اللي اصغر منهم عايز ايه
كرم عايز انام ومستنيكي تنيميني 
دره بحب ابتسمت طيب يلا تعالي 
كرم بتنهيده وحشتيني اوي
دره لحقت ده انا لسه سيباك
كرم ولو لسه جنبي هتفضلي وحشاني يا دره ومش هنشبع منك عمري يا بنت عمري
دره بحبك يا كيرو
كرم وانا بڼموت فيكي يا بنت قلب كيرو
دره طيب ممكن يلا تنام بقي عشان صوتك تعبان
كرم لا لما تنامي جنبي
دره انا دخلت علي السرير والله وهننام خلاص
كرم طيب خليكي معايا متقفليش
دره بإبتسامه هتنام علي الموبايل
كرم اممممم
دره طيب يلا نام وانا هنفضل صاحيه لحد ما تروح في النوم
كرم طيب قولي اي حاجه اتكلمي خليني انام علي صوتك
دره اقول ايه احكيلك حدوته
كرم بإبتسامه بانت علي صوته النايم احكي يا شهرزاد
دره بضحك اتلم يا شهريار واسمع وانت ساكت
كرم حاضر
دره كان يا مكان يا سعد يا إكرام ما يحلي الكلام إلا بذكر النبي عليه الصلاه والسلام
كرم بهدوء عليه الصلاه والسلام
دره كان في زمان شاب جميل كل حاجه في كانت حلوه مكانش في اي عيب من اول ما فتح عينه عالدنيا واتكتب علي اسمه شريكه حياته كبر وهو بيحبها وصدق وآمن بالنصيب اللي كتبها علي اسمه بس البنت اللي حبها بعدت عنه سنين كتير واختفت
كرم بهمس ونوم عشان شبر ونص
ابتسمت دره وكملت من غير ما تعلق
دره كانت ديما معترضه وكانت شايفه ان حياتها مش معاه وأن النصيب اللي هو آمن بيه مجرد وهم هو صدقه بس هي قررت تعيش الواقع وتبعد عن خرافات النصيب كانت فاكره انه غلطانه في مشاعره دي واكيد هيجي يوم عليه ويكتشف هو كمان ان النصيب اللي آمن بيه ده مجرد وهم ويعيش الواقع زي ما هي عاشته 
كرم عبيطه متعرفش ان القلب اللي حبها مشافش غيرها في حياته
دره بحب خرجت منها تنهيده وكملت فات سنين كتير وهي واثقه انه اكيد فاق من الخرافات اللي كان مصدقها بس لما رجعت اكتشفت انه لسه واقف مكانه وقلبه متعلق بيها عرفت انه حبها بجد واكتشفت ان الواقع اللي هي راحتله برجلها كان هو الوهم وهو اللي كان صح مكانتش تعرف انها مكتوبه ليه وعلي اسمه وحتي لو السنين فرقتهم كانت لازم تجمعهم من تاني لدرجه انها حبته واتعلقت بيه كأنه اول و اخر حب في حياتها حست ان حبها ليه عمره مش مرهون برجوعها وقدرت تعرف ان حبها ليه كان من زمان اوي بس هي مكانتش حاسه واللي اكدلها حبها ده كلام علي ورقه كتبته بخط برئ كانت ناسيه الورقه دي خالص لكن بمجرد ما رجعت وفتشت في ذكريتها لمحت الورقه اللي كان مكتوب فيها اسمه جمب اسمها ورابطهم قلب رسمته بكفها الصغير وكتبت تحت اساميهم بحبك يمكن وقتها محستش بقيمة اللي كتبته وتخيلت انه لعب عيال ولما كبرت وشدت حيلها نسيت الورقه خالص وراحت وراء اول كلام حلو سمعته لكن أحتفظت بالورقه من غير ما تقصد وبمجرد ما رجعت وقلبها دق من تاني قدرت تفهم ان نصيبها وحبها كان متدون بخط أيدها وعليه امضاء بأسمها تأكد ملكيتها ليه وبعد سنين اخيرا فاضل ايام وتتكتب علي اسمه العمر كله وتوته خلصت الحدوته
دره بهمس كرم كرم ابتسمت بحب وهمست بهدوء تصبح علي خير يا شريك عمري الجميل بحبك
قفلت دره الموبايل وضمته بحب وغمضت عينها
في صباح يوم جديد صحي عمرو من النوم بص جمبه ملقاش سونه
لكن ابتسم لما افتكر اول ليله بينهم قام بهدوء دخل الحمام وبعدين خرج يدور عليها لقاها واقفه في المطبخ ضهرها للباب لابسه كاش اسود قصير وشعرها سايب علي ضهرها وبتحضر الفطار قرب منها بهدوء 
سونه حرام عليك وقفت قلبي
عمرو بإبتسامه صباح الورد علي عيونك
سونه صباح النور نمت كويس
عمرو نمت كويس ده سؤال ده انا محستش بروحي بقالي كتير اوي منمتش نوم عميق بالشكل ده
لفت سونه وشها ليه وفضل ضاممها ليه حطت ايدها علي كتفه
سونه طب يلا انا بحضرلك الفطار
عمرو كنت عامل
حسابي اصحي بدري قبلك واكون زوج رومانسي واحضرلك انا الفطار بنفسي بس سبقتيني
سونه بضحك مستعجل علي ايه الايام جايه كتير وهتحضرلي الفطار وهتبقي زوج رومانسي
عمرو طيب بنقولك ايه ما تسيبك من الفطار الوقت وتعالي افطرك بطريقتي الفطار بتاعي هيعجبك اوي
سونه بضحك بطل قلة أدب
عمرو تعالي بس هنقولك كلمتين مهمين
سونه عمرو متهرجش خلينا نشوف ورانا ايه
عمرو هيكون ورانا ايه تعاااااالي
بقيييي
اليوم عدي ومحدش راحلهم حبوا يسيبوهم لوحدهم لكن اتصلت سونه بسماح اطمنت عليها هي ومريم وياسين وعمرو كمان كلمهم شويه وبعدين قفلوا 
تاني يوم بعد العصر راحت نبيله ونجوي ومها ودعاء معاهم غداء وحجات كتير يطمنوا علي سونه ويباركولها قعدوا معاهم شويه وبعدين مشيوا وعلي العشاء راحتلها دره وكرم ومعاهم سماح ومريم وياسين
لبست سونه عبايه محتشمه لكن شكلها جميل رحبت بيهم ودخلت علي المطبخ هي ودره وسماح وسابت كرم مع عمرو بره ومريم وياسين دخلوا اوضتهم يلعبوا فيها 
دره بإبتسامه بس مش واخده بالك يا سماح من القمر اللي واقف
سماح اه واخده بالي لا وكمان باين علي وش القمر انه مبسوط
سونه بضحك وايه كمان احيه عليكم هتستلموني بنقولكم ايه قدموا السبت عشان تلاقوا الحد انتوا قربتوا تتجوزوا ومش هنحلكم
دره بضحك الله احنا قولنا حاجه احنا بنتكلم علي القمر
سماح بحب وحشتيني يا سونه
سونه بحب ضمتها وباستها من راسها والله انتي اللي وحشتيني اوي واليوم من غيرك وحش
دره شوفي الكدب يابت ده انتي السعاده هتنط من عينك طمنيني ايه اخبار عمرو معاكي
سونه بسعاده بصراحه طيب ومحترم اوي يا دره
دره احيه محترم لا مش عايزين النوع ده احنا
سونه بضحك يابت بطلي قلة ادب جرالك ايه اتعديتي من مها البت واقفه 
دره كلها كام يوم يا اختي وتحصلك بس علي الله ابن اخويا ميطلعش محترم ويقصر رقبة عيلة الجمال
ضحكوا التلاته
سونه خدي يا سماح خرجي القهوه
خرجت سماح وسابتهم
دره طمنيني يابت مبسوطه
سونه اوي يا دره والله اول مره نحس اني مبسوطه كده طلع الجواز حاجه تانيه غير اللي جربتها
دره عمرو ابن حلال وبجد طيب اوي يا سونه وباين انه بيحبك
سونه بصراحه اه واهم حاجه انه هادي في البيت وتحسيه خفيف انتي عرفاني خلقي ضيق ومبنحبش الزن
دره بضحك احيه عليكي مش هتعقلي ابدا
سونه لا والله هو بجد طيب وغلبان ودمه خفيف وبيحاول بابسط الحجات انه يبسطني
دره ربنا يسعدكم يارب يا سونه ده عوض ربنا ليكي وانتي عوض ربنا ليه
سونه عندك حق والله
دره بنقولك ايه انا بنقول ناخد مريم وياسين احسن اتبسطي كمان كام يوم كده كده هما هيبقوا معاكي بعد كده علي طول
سونه لا خليهم وحشوني والله وبعدين مهما كان عمرو مبسوط بس اكيد هيتبسط اكتر وهما ولاده جنبه وبعدين خليني اتعود علي وجودهم وهما يتعودوا عليا
دره اللي انتي شيفاه صح اعمليه يا قلبي المهم تكونوا مبسوطين
سونه الحمد لله والله مبسوطين اوي وبجد يا دره انا خلصت فيكي كل الكلام ومش عارفه نقولك ايه علي كل اللي بتعمليه معايا ومع سماح
دره يابت انتي اختي وسماح زي بناتي مش عيزاكي تشيلي همها خالص ومټخافيش عليها انا قعدالها هي وحسن زي الشاويش عطيه يعني اطمني كانك موجوده
سونه بضحك عارفه والله يا دره عقبال ما افرح بيكي انتي وكرم صحيح حجزتي الفستان
دره نزلت امبارح لفيت شويه انا وهو بس مفيش حاجه عجبتني اوي وهو انهارده كان عنده شغل في المستشفي وجينالك الوقت فا بكره بقي ننزل نلف ادعيلي اخلص من المشوار ده عشان تقيل علي قلبي بشكل
سونه احيه عليكي تقيل علي قلبك ليه اعوذ بالله يابت انتي مبتعرفيش تفرحي
دره فرحانه والله يا سونه بس الفكره اني مش متخيله نفسي في السن ده عروسه ولابسه فستان ومعمول عشاني فرح وانا ولادي طولي 
سونه الفرحه ملهاش سن يا دره يابت انا لولا ام عمرو مش بقالها كتير متوفيه والنبي ما كنت هنتنازل عن الفرح هو احنا بنفرح كل يوم ومتآخذنيش يعني هو جوازك من اللي ما يتسمي ده كانت جوازه
ضحكت دره علي كلامها
سونه اه والله وبعدين انتي معملتيش فرح وقتها وجاتلك الفرصه وبعدين لو مش عشانك عشان الغلبان اللي قاعد بره ومتشحتف عليكي ده فرحيه يابت وحققيله حلمه والبسيله الفستان الابيض واعتبري روحك بت 18
دره والله انا ما عارفه هو