ابن ليل بقلم اميره اسامه

الانوار بتاعت الشقه
بتاخد نفسها وبتحاول تخرجه بهدوء يمكن تهدأ شويه من التوتر اللي حاسه بيه 
قرب منها عمرو كان حاسس بتوترها ومقدرش ينكر هو كمان انه متوتر زيها بس حاول بما انه هو الراجل يغير الجو العام اللي هما فيه ابتسم بهدوء وبصلها
عمرو ايه بقي
هتفضلي واقفه كده
سونه بإبتسامه وخجل خرج صوتها بالعافيه طيب اعمل أيه

عمرو بضحك تعملي ايه اي حاجه تعجبك
سونه مش عارفه زي ايه
عمرو زي حجات كتير اوي ابتسم ورفع حاجبه يعني مثلا ادخلي اغسلي الاطباق او تروحي تغسلي شويه غسيل او نقولك نشيل السجاد ده و تمسحي ايه رايك
ضحكت سونه وبصتله
سونه انت شكلك زوج مصري اصيل
عمرو الله مش لازم نسيطر من اول يوم ولا ايه
سونه بأبتسامه ايوه معاك حق
عمرو بإبتسامه جميله لا ياستي خلاص هعفي عنك انهارده خليها عليا بس متاخديش علي الدلع
سونه ده ايه الطيبه دي كلها
عمرو عشان تعرفي بس نتكلم جد بقي
سونه اتكلم
عمرو انا اكيد بنهزر معاكي كل الحكايه اني حاسس انك متوتره شويه فا بنحاول ننكشك ونغير المود وبصراحه بقي انا كمان متوتر
سونه بتنهيده خجل طب ايه
عمرو ولا حاجه عايزك تفكي كده وتبقي مرتاحه بلاش توتر عشان توترك ده هيوترني اكتر
سونه لا خالص انا مش متوتره والله بس يعني
عمرو حتي لو متوتره عادي علي فكره في النهايه لسه الوضع جديد عليكي ولسه مخدتيش عليا وانا اكيد مقدر حاجه زي دي بس كمان مش عايز الوضع ده يفضل مسيطر عليكي انا كل اللي عايزه 
انك تفكي و تبقي رايقه البيت ده بيتك يا سونه مش بيتي انا اتعاملي بقي وعايزك تاخدي عليه بسرعه لانه هيفضل بيتك طول العمر واكيد مينفعش تفضلي متاخده كده بصي يا سونه زي ما قولتلك انا هنا ضيف واتمني من كل قلبي اكون ضيف خفيف عليكي
سونه متقولش كده ده بيتك
عمرو لا هو بيتك انتي البيت بيت الست مش الراجل يا سونه عشان كده عايزك تنسي الليله دي خالص اتحركي براحتك في الشقه غيري هدومك خدي شاور تعالي نحضر الاكل سوا لو حابه نتفرج علي حاجه مع بعض في التلفزيون هنعمل كده عيزاني نعمل اي حاجه انا موجود علي فكره بنعرف نغسل اطباق كويس وبنعرف نروق
ضحكت سونه عليه وبصتله
سونه امممم يعني بتسمع الكلام
عمرو طب جربي كده ومش هتندمي
سونه بضحك طيب انا ليا طباع غريبه في البيت وشويه حجات كده ماشيه عليها هتعرف تعملها
عمرو ياستي اعتبريها اتعملت انتي بس عرفيني القواعد اللي المفروض نمشي عليها وجربي
ابتسمت سونه ورفعت حاجبها
سونه طيب اول قاعده في البيت ده اياك تدخل تاني بجزمتك
بص عمرو علي جزمته وبعدين بصلها وضحك
عمرو اااااه بدأنا وبتقولي عليا زوج مصري اصيل ماشي يا ستي اسفين مش هتتكرر تاني
سونه ايوه ماهي مش هتتكرر تاني هنعديهالك بس عشان انت لسه عريس وكده
عمرو مش عارف نقول ايه لكرم اخلاقك اي اوامر تانيه
سونه اممممم اه
تدخل يلا ومتفضلش واقف في وشي كده زي سماح بنتي شوف مكان اقعد فيه
عمرو بضحك طب ما تديني بحاجه واخلصي انتي كنتي بتتعاملي مع سماح كده وانا اقول البت مالها فرحانه ومبسوطه ليه اتاريها يا عيني ما صدقت
سونه بضحك تقصد ايه
عمرو لا ولا اي حاجه انا بنقول ناخدها من قصرها ونروح ناخد هدومي وندخل ناخد شاور
سونه ياريت يلا اتفضل شوف اللي وراك 
عمرو اوامرك يا سونه هانم
سابها عمرو ومشي وابتسمت سونه وقدر عمرو يفكها بطريقته الجميله خد غيار ودخل دش وهي دخلت وراه علي الاوضه كانوا البنات سايبين غيارها علي السرير لانچيري ابيض قصير وعليه روب نفس طوله بكم
سونه احيه منك لله يا مها الكلب اكيد انتي اللي حطيتي ده خدت نفس طويل وقررت انها تفك وتهدأ وتحاول تتعامل بهدوء في النهايه عمرو بقي جوزها
راحت قعدت قدام التسريحه فضلت تفك في شعرها من البنس والدبابيس اللي مثبتين شعرها بيه وسابت شعرها نازل علي ضهرها
خرج عمرو كان لابس بنطلون بيتي شكله جميل لونه اسود في رمادي وعليه تيشرت نفس الالوان لقاها قاعده قدام المرايه وبصاله بإحراج ابتسم عمرو بهدوء وبعدين حاول ميركزش معاها وكمل بضحك
عمرو ايوووووه ايه كل اللي كان في شعرك ده الحمد لله اني راجل ده انتوا بتعانوا
سونه بضحك عشان تعرفوا اللي احنا بنشوفه
عمرو لا صراحه الله يكون في عونكم بس علي فكره بقي الكوافيره دي فاضيه ومش لاقيه حاجه تعملها جابت الوقت ده كله منين
سونه شغلها بقي وبعدين مش بتثبتلي شعري
عمرو بضحك ليه هو هيجري ما تسيبه ماله ماهو حلو وهو سايب كده
سونه بضحك احنا هنهزر بقي يلا شوف بتعمل ايه وسيبلي الاوضه
عمرو اوباااااا فينا من الطرد كمان ماشي يا ستي بس ممكن تتوضي عشان نبقي نصلي سوا
سونه حاضر يلا اخرج واقفل وراك
عمرو طب براحه طيب
متزوقيش خارج
ضحكت سونه وخرج عمرو وقفل وراه قامت سونه فتحت الدولاب تدور علي الإسدال بتاع الصلاه مكانتش لقياه بصت علي كرسي في الاوضه لقته متطبق هو والمصليه راحت خدته وخدت هدومها ودخلت بيهم علي الحمام
غابت شويه وبعدين خرجت وهي لابسه الإسدال وطبعا مصدقت عشان متخرجش بلبسها قدامه 
خبط عليها عمرو خبطتين
عمرو يا سونه هانم خلصتي
سونه نعم هنبدأ بقي الدوشه
عمرو لا خالص منقدرش ندوش جنابك بس انا زهقت من القاعده لوحدي وبصراحه جعان
سونه بإبتسامه قامت وفتحت الباب وبصتله وهي رافعه حاجبها
علي فكره انت بتتلكك هو انت لحقت تجوع
عمرو اه والله العظيم جوعت وبعدين هو انا كلت كويس اصلا وفي حاجه لازم تعرفيها انا ممكن نمشيلك اي حاجه كا اي ست مصريه بس في الاكل هتلاقي قدامك راجل مصري اصيل وقت جوعه بينسي الدنيا 
سونه بضحك طب خلاص هنأكلك انت هتتحول ولا ايه
عمرو بنعرفك بس ده جزء من حالتي لما بنجوع
سونه خلاص عرفنا يا سيدي
عمرو طيب ممكن نصلي بقي الاول
سونه حاضر يلا
دخل عمرو ومسك المصليه فرشها في الارض وبصلها كانت بتظبط الطرحه وفي خصله شعر خارجه منها مد ايده بهدوء ډخلها جوه الطرحه سونه كانت مرتبكه لكن مطولش عليها وبص قدامه بسرعه
عمرو يلا
سونه يلا
عمرو الله اكبر
سونه بهدوء الله اكبر
وبدأوا صلاتهم الاولي مع بعض 
وبعد وقت بسيط في الركعه الاخيره سلم عمرو ووراه سونه 
بهدوء مد ايده حطها علي راسها وبدأ يدعي دعاء الزواج
وسونه منزله راسها قلبها بيدق بطريقه فظيعه مستسلمه ومش قادره حتي ترفع عينها شعور انها اول مره تتجوز كان مسيطر عليها
خلص عمرو الدعاء ومسك كف ايدها بهدوء باسه بصتله سونه بطرف عينها وابتسمت قام عمرو ومدلها ايده قومها وبعدين طبق المصليه وبصلها
عمرو بإبتسامه ناكل بقي وتفرجي عني
سونه بضحك ماشي يلا بينا خرجت سونه قدامه وهي بالأسدال راح وراها كانت بتاخد الاكل عشان تسخنه في الميكرويف 
عمرو هو انتي هتفضلي لابسه الإسدال 
بصتله سونه واتوترت ومردتش
عمرو بضحك مالك القطه كلت لسانك ولا ايه اكيد مش هتحضري الاكل بالإسدال
سونه اااا اصل ااا يعني اكيد هقلعه بس
عمرو بإبتسامه حس انها متوتره بجد قرب منها ومسك حرف الإسدال وبدأ يسحبه بهدوء كانت واقفه سونه زي الطفل اللي عامل عامله منزله عينها في الارض
خرج عمرو شعرها اللي كان داخل جوه الطرحه وابتسم بسعاده شكلها كان يجنن ست بجد 
سونه بإرتباك اااا بص هو انا محضرتش اي حاجه بس هما اللي سابوا اللبس ده وانا
عمرو بهدوء وماله بس اللبس ده ماهو جميل وشكلك زي القمر علي فكره وكمل بجديه عشان ميوترهاش اكتر ممكن بقي ننسي الإسدال واللبس وناكل ولا نطلع من البلكونه ننادي علي الخلق ونقولهم مراتي مجوعاني
ضحكت سونه وفكت تاني وفرحت انه مركزش معاها وزاد من توترها 
سونه لا خلاص هتجرسنا تعالي هأكلك
عمرو طب هاتي من ايدك ويلا قدامي انا هنساعدك 
سونه يلا تعالي دخلت قدامه
وبدأوا يسخنوا الاكل سوا وهو ياخد منها ويحط علي السفره وبعدين خرجوا وبدأوا ياكلوا
كانت محرجه وبتحاول متبصلهوش يعد ما خلصوا اكل وقام معاها ساعدها
عمرو بنقولك ايه تشربي قهوه انا بنعمل قهوه مش هتشربي زيها في حياتك
سونه ماشي اشرب
عمرو طيب روحي بقي انتي شوفي حاجه نتفرج عليها وانا هنجيب القهوه ونيجي وراكي
سونه طيب ننضف الاطباق دي ونشيل باقي الاكل
عمرو لا روحي انتي وسيبي كل ده عليا
سونه بضحك خد بالك انا لو خدت علي كده مش هنسيبك فا لو بتعمل كده عشان لسه عروسه والكلام ده بلاش احسن عشان هتجيبه لروحك
عمرو بضحك لا ياستي متقلقيش انا اتعودت اني نساعد امي الله يرحمها وخدت علي كده يعني من الاخر هتفضلي عروسه
سونه بإبتسامه هاديه ربنا يرحمها
خرجت راحت علي بره وهو وقف شال الاكل في التلاجه وغسل كام طبق ووقف عمل القهوه بص جنبه لقاها واقفه مربعه ايدها وباصه عليه ومبتسمه
عمرو بإبتسامه غمزلها مفيش بعد كده رجعتلك المطبخ زي ما كان اي خدمه
سونه الله ينور
عمرو الله ينور ده اللي ربنا قدرك عليه
سونه عايز ايه
عمرو بغمزه اي حاجه
سونه بإحراج خليك مؤدب ايه اللي جرالك
عمرو بضحك وانا قولت حاجه انا نقصد تيجي تجيبلي فنجانين هاتي صنيه اعملي اي منظر مش حافظ لسه مكان الحجات
سونه امممم والله طيب
عمرو سلكي نيتك انتي بس
سونه بضحك انا بردوا ماشي
ضحك عمرو وحط القهوه وخرجوا سوا قعدوا قدام التلفزيون قعدت في اخر الكنبه
عمرو بإبتسامه هو انا ممكن اعمل حاجه ومتفهمنيش غلط
سونه بصتله بسرعه وبترقب تعمل ايه
عمرو بإبتسامه قام وقف وقرب منها قعد جنبها ولا حاجه
عايز نقعد جنبك بلاش نقعد بعيد كأننا مستنين الترام في المحطه
سونه بضحك لو علي القاعده ماشي اقعد
ضحك عمرو وكان في فيلم شغال فضلوا مركزين فيه شويه هي بتحاول تركز والتوتر والكسوف مسيطرين عليها وهو بيحاول يكسر الحاجز اللي بينهم ومش عارف استغل تركيزها قرب ايده علي ضهر الكنبه وراء ضهرها
بصت سونه بطرف عينها وبعدين بصت علي التلفزيون تاني
ثواني وحست انه بيحرك ايده في شعرها قلبها دق بطريقه فظيعه ضمت رجلها علي بعض وشدت الروب قفلته اكتر
ابتسم عمرو في صمت وفضل سايبها براحتها اكتفي باللعب في شعرها ويكفي انها معترضتش 
رجع تاني حط ايده تحت شعرها بهدوء وفضل يمشي كفه علي رقبتها من وراء غمضت سونه عينها وقلبها زادت دقاته وبعدين حست بيه 
الكلام كان رايح منها لا عارفه تعترض ولا قادره تبصله واختفت في لحظه سونه الجريئه اللي لسانها اطول منها واتحولت لحمل وديع سندت راسها علي صدره وغمضت عينها قرب من منها اكتر وبعدين همس بكلام بسيط خلاها هديت اكتر 
عمرو انا عارف انك متوتره ومكسوفه مني وعارف ان الليله دي علي قد ما هي جميله علي قد ما بتكون تقيله في اولها انا قولتلك من اول ما دخلنا هنا اني هكون ضيف واتمني اكون ضيف خفيف عليكي لو حاسه انك مش هتقدري مش هنضايق وهنسيبك براحتك بس لو حابه تتخلصي من التوتر بتاع الليله دي في اسرع وقت فا انا بنوعدك اني هنخليكي متنسيش اليوم ده ومش بس كده هنخليكي تحبي وجود الضيف ده علي طول
رفعت سونه راسها وبصتله وهي عينها بعيد عنه
سونه عمرو انا اكيد يعني اااا
عمرو قولي يا سونه كل اللي جواكي وبلاش تفضلي متوتره كده انا جوزك علي فكره
سونه انا اكيد مش عايزه اضيع فرحتك باليوم ده ولا رافضه حاجه بس انا يعني اووووف اقصد اني من وقت