اسكريبت اميره التمني

مش طايقاني فعلا عظيم.
لا إزاي خطوة عزيزة يا سي زين نورت يا سي زين لو مشلتكش الأرض نشيلك فوق راسنا يا سي زين.
رحمة !
والدي !
همسلي واضح إنها خطوة عزيزة فعلا يا ست رحمة.
بقى واقع بقى شيء مفروض عليا إني
أصحى كل يوم وأول لما يقابلني تكون طلته.
غريب وقع على طريق.
غريب سهرت جنبه.
غريب عايش في بيتي.
غريب والدي بيحبه!

هتقدر تتمشى شوية النهاردة يا بني
أيوة يا عمي شكرا على عكازك.
شد حيلك أومال بكرا تبقى عال العال.
البركة في رحمة.
بيقول اسمي وسط الكلام ويبصلى غريب الهيئة والنظرة لئيم النية. فاكرني مش فاهمة أنا عاملة عبيطة بمزاجي لا نظراته ولا كلامه ولا حتى طريقته تهز شعرة فيا.
رحمة زين رجع تعبان من برا.
بتقولي أية !
دخلت المضيفة لقيته ممدد رجله ومغمض عيونه.
في أية أنت بخير
فتح يعني مشاعرك حاضرة وقلبك رقيق اهو.
مش فاهمة أنت.. لحظة أنت بتضحك عليا!
أو بهزر معاكي.
انت فاكر نفسك أية ولا فاكرني أنا أية اصلا فاكر انك ممكن تضحك عليا بسهولة !
يجوز.
مستحيل.
الاكل كان مالح النهاردة.
يا خبر! انا مقصدتش.
ابتسم دا يجوز جدا والله.
غريب الهيئة والنظرة لئيم النية صاحب ابتسامة.. لطيفة.
ناوية تسهري
قعد جنبي على حرف الشباك سيبت بكرة الخيط وبصتله.
كدا خطړ للعلم.
مقولتيش كدا لنفسك لية وأنت بتقعدي هنا.
أنا متعودة.
وانا عاوز اتعود زيك.
وعاوز تتعود زيي لية
علشان حابب أعرفك.
ابتسمت نص ابتسامة بسهولة كدا تعرفني
لا إزاي لازم تنازل وتنازل كبير كمان.
زي أية مثلا
زي طلباتك أية أو بشكل تاني سمو الأميرة الحسناء تطلب أية
ابتسمت ابتسامة حقيقة وبصيت للقمر بدون كلام الهوا كان حلو الليل كان طويل ليلتها والقمر ظاهر بدر بكماله.
الأميرة الحسناء بتتمنى بس.
بتتمني أية
اتمنى ميكونش ليا نصيب في الحب.
بصتله لقيته مستغرب سكت شوية وقال.
أمنية مؤلمة.
بالعكس دي مريحة جدا.
كل الناس تتمنى تحب.
أنا مش كل الناس أنا رحمة فرد واحد رافض الحب.
ورحمة رافضة الحب لية
لاني بخاف.
مردش وادني مساحة حديث فاتنهدت وأخدت دور الراوي وبدأت أتكلم عن حكايتي.
يوم ما فقدت أمي محستش بهول الموقف ولا صعوبة الفقد لاني كنت طفلة أنا ووئام الشخص الوحيد الي اتكوى بڼار الفقد هو والدي عمري ما نسيت ملامحه حزنه وجعه صوته لما بيكلمها
بينه وبين نفسه بعد ما كان بينيمني أو لما كان بيبقى فاكر أنه نيمني بس أنا كنت صايحة الفضول حركني وبعده كان الشوق وبعده كان اليتم وأخيرا الخۏف.. خوف ملوش نهاية من الفقد.
لكل أجل كتاب.
عارفة ومؤمنة بس.. بس مش قادرة أقنع نفسي إني أحب حد بإرادتي أكمل معاه حياتي بإرادتي اتعود عليه يبقى جزء مني يبقى نصي الحلو من الدنيا وفجأة.. يروح !
ومين قالك أنه هيكون بإرادتك اللقا نصيب والحب نصيب ولو ليكي نصيب في الحب مش هتعرفي تقفي قصاد بابه ولا تمنعي قلبك أنه يميل القلب ملوش سلطان.
علشان كدا بتمني محبش.
متتمنيش ومتحاوليش سيبي نفسك للريح تحرك
يمكن تشوفي شخص عمرك ما كنت تتخيلي إنك تحبيه.
تفتكر
زي ما للعمر طريق مرسوم للحب كذلك طريق مرسوم.
هزيت راسي وابتسمت كنت فيلسوف كدا برضو قبل ما تيجي عندنا ولا دا تأثيرنا عليك
والله ما عارف صحيح كنت عاوز أسألك على حاجة.
خير يارب.
عرفت من وئام إن مفيش طبيبة في مملكتكم ومع ذلك أنت طبيبة ازاي دا 
منك لله يا وئام.
هو سر 
مش سر لكن.. أنا فعلا مش طبيبة وأساسا مفيش طبيبة في المملكة المهن للرجال بس.. ولاني شخص متمرد نوعا ما و..
متمرد جدا.
هتقاطعني كدا كتير
اسف كملي.
المهم كان فيه طبيب صاحب والدي كنت كل يوم أروح عنده وانا صغيره واتعلم منه حاجة بدأ الموضوع الأول شغف وبعد كدا لما أيقن اني موهوبة بدأ يعلمني كمعلم وطالبة فضلت اتعلم على ايده فترة طويلة لحد لما ماټ وأنا سيبت الطب وانتهى الشعف.. وانتهت كل حاجة معاه.
متوقعتش منك دا.
قصدك أية
مدام موهوبة وبتحبي الي بتعمليه لية مقدمتيش شكوى في الديوان
وانت فاكر حد هيسمع والله أنت غلبان يا غريب مملكتنا دي مقسومة طبقتين طبقة عليا وطبقة سفلى الملك والوزراء والديوان طبقة عليا وباقى الشعب طبقة سفلى وكدا كدا مهما نتكلم أو نحتج مفيش حاجة بتتغير
الملك ظالم أوي كدا
الملك مش
عارف مش بيخرج برا حدود قصره ولو تعلم دا أشد قسۏة علينا الراعي مسئول عن راعيته وفي نفس الوقت مش مسئول ومش موجود.
شيء محزن.
ومخجل ماعلينا الكلام أخدنا والوقت سرقنا يلا روح نام.
وأنت مش هتنامي
ليا حديث مع الليل هخلصه وأخطف من النوم ساعتين
حديث سر
بصيت للسما تصبح على خير يا غريب.
وأنت من أهل الخير يا أميرة التمنى.
شهريار في حكايات ليالي ألف ليلة وليلة كان صحيح وسيم وطلته ليها العجب في قلوب الفتيات ولكنه كان أناني.
شهريار في بيت الحاج فارس صحيح غريب الهيئة والنظرة ولكنه لطيف.. أو أصبح مؤخرا لطيف نوعا ما.
بيشاركنا الحياة بغرابة ورضا الصبح يصحى مع والدي صحيح ساب العكاز ولكنه لسه جرحه حي فاضله أيام أو أسبوع بالكتير ويطيب. بيصلي معاه بيرجعوا سوا بيناكش وئام ويغلس عليا وممكن يساعدنا في الأكل بمنتهى البراعة وهو معلوماته لا تتخطى إن الطماطم الناشفة للسلطة. بيسمع لحكاوي الحاج فارس عن أمي بيعمل هو الشاي بليل وبيرسم نهاية سعيدة لكل ليلة.
غريب الهيئة والنظرة صاحب الخطوة العزيزة سلب دور الراوي مني وبدأ يكتب الحكاية على هوى قلبه.
غريب الهيئة والنظرة سلب مني حق التمنى.
غريب الدار سلب مني قلبي فمال له وانتهى الأمر.
يارحمة يا بنت فارس.
كنت راجعة من السوق بعد ما جبت خضار للبيت وقفني صوت راجل عجوز اول لما بصتله عرفت أنه درويش من الدراويش.
نعم يا عم الشيخ.
راحة فين يا بنتي
راحة لبيتي يا عمي.
متروحيش دلوقتي
لية
علشان تقابلي نصيبك.