رواية كاملة هدير دودو

متسائلا عاوزة حاجة تاني يا كوكي قبل ما نروح 
كارمن و هي تنظر إلى الساعة ثم قالت پخوف لا يا يوسف يلا و ١٢نروح الساعة قربت تدخل على النور بيفصل و انت عارف ان انا بخاف من الضلمة اصلا 
ضحك يوسف بشدة حتى ادمعت عيناه ثم قال لها نور ايه يا كوكي انت هبلة ... كنت عارف انك هتصدقي 
نظرت له كارمن بعدم فهم ثم قالت يعني ايه و قصدك ايه بالظبط عشان مش فاهماك بجد 
يوسف بتوضيح يا كوكي يا حبيبتي مفيش حاجة اصلا اسمها النور بيفصل كل دة انا قولتهولك عشان تبطلي تتأخرى لما تخرجي و ترجعي بدري 
اما كارمن فقالت بضيق و انفعال اه طبعا يعني انا غبية قدامك دلوقتي و مش انت بس لا دة انا قولت لبابا و ديجة و قمر كنت كل شوية اقولها عشان النور .. عشان النور و في الاخر انت تطلع بتضحك عليا اصلا 

يوسف قال بنفى لا طبعا مين دي اللي غبية .. انت عنيدة يا كوكي لكن مش غبية و مبتجيش بالعند و اصلا محدش عارف حاجة يعني خليهم يصدقوا احنا مالنا 
ضحكت كارمن ثم قالت طب يلا بقا يا يوسف عشان نروح بدل ما احنا عاملين كدة في الشارع المنظر مش لطيف خاالص على فكرة 
اومأ لها يوسف و هو يضحك ثم بدأ بتشغيل السيارة مرة اخرى و وصلوا الى البيت 
ملك كانت قاعدة بتكلم سامح 
سامح بحب و فرحة انا مش مصدق بجد يا ملك ان خلاص فرحنا بعد كام يوم كل ما اجي اعمله الاقي حاجة تعطلنا 
شعرت ملك بالخجل و قد احمرت وجنتيها ثم قالت لتغير الموضوع صحيح يا سامح انا بكرة هنزل عشان اختار فستان الفرح و كدة 
سامح بتساؤل و اهتمام في حد هيجي معاكي و لا هتنزلي لوحدك 
قالت ملك بعدم معرفة والله لسة مش عارفة بس ممكن انزل انا و كارمن او لوحدي بقا عشان انت عارف عليا مستحيل تيجي معايا 
سامح باهتمام و جدية طب لو هتنزلي لوحدك قوليلي عشان هاجي معاكي 
اجابته ملك بالموافقة و ظلوا يتحدثون في عدة مواضيع عن حياتهما و مستقبلهما اما عليا فكانت جالسة تراقب ملك بنظرات مليئة بالحقد و الكره نعم فهى تحقد على اي

شخص سعيد في حياته و تحمل الجميع نتيجة اختياراتها الخاطئة التي لا ليس لهم دخل فيها فهى من اختارت اختيارات خاطئة ما ذمبهم هما ثم قالت لنفسها شايفة هما كل واحدة عايشة حياتها ازاي و انا اللي قاعدة بالزفتة دي كانت تقصد اسيل بنتها و لا كاني عندي مية سنة بس والله يا كارمن ما هسيبك زي ما انت خطفتي مني رؤوف و بعدتيني عنه انا كمان هبعدك عن يوسف و يبقى خلصنا بس يارب خطة مازن تنجح و انت اصلا متسرعة فأكيد هتنجح و دة غير انك انسانة مغرورة و 
قطع شرودها صوت اسيل و هي تقول لها ببراءة مامي انا هروح بكرة مع كوكي عمو يوسف قالي انها هترجع تخرج معايا تاني 
عليا بضيق اووف كل حاجة كارمن ثم قالت متسائلة و بعدين هو مين فينا اللي امك انا و لا كارمن 
اسيل و هي لا تفهم مصغى سؤالها فقالت ببراءة بصراحة يا مامي انا بحبكوا انتوا الاتنين بس كوكي بتلعب معايا و بتنزل معايا لكن انت لا فكوكي اكتر طبعا يا مامي 
عليا و هي تمسكها من معصم يديها بقوة غير مراعية انها طفلة أمامها و قد اعماها غضبعا فأذا كانت ابنتها تقول انها تحب كارمن فماذا عن البقية و قالت بعصبية يعني ايه يعني بتحبي كارمن اكتر من امك طب ازاي ... ليه يعني كارمن فيها ايه احلى مني 
جاءت ملك على صوت اختها فقامت بفك يد اختها الممسكة بيد اسيل و قامت بأخذ اسيل في ها بحنان و قالت معلش يا سوو مامي اتعصبت شوية .. يلا ادخلي نامي عشان كارمن بكرة لما تيجي تخرجوا مع بعض 
مسحت الصغيرة دموعها و اتجهت الى الغرفة و نامت مسرعة كي تخرج مع كارمن في الصباح 
اما ملك فقالت لعليا پغضب ايه اللي بتعمليه دة ..دي طفلة مش فاهمة حاجة اصلا و بعدين طبيعي تكون بتحب كارمن هو في حد اصلا بيخرجها و لا بيقعد معاها غير كارمن انا مش بخرجها كتير زي كارمن و انت نادرا اصلا لما بتاخديها معاكي اي مكان لكن كارمن كل يوم هزار و ضحك و نزول فطبيعي انها تتعلق بيها اوي و كذا مرة كارمن قالتلك متدخليش اسيل ما بينكوا برضو مصرة تدخليها في حاجة اصلا محدش عاملها لا انا و لا كارمن و قولنالك مية مرة انت بقا اللي مش عاوزة تصدقي 
عليا كأنها لم تسمع شئ و قالت ببرود و لا مبالاه لو خلصتي المحاضرة بتاعتك اتفضلي بقا اسكتي عشان صدعت